ಬಹುನಿರೀಕ್ಷಿತ ಭಾರತ ಹಾಗೂ ಪಾಕಿಸ್ತಾನ ನಡುವಿನ ಐಸಿಸಿ ಟಿ 20 ವಿಶ್ವಕಪ್‌ ಪಂದ್ಯಕ್ಕೆ ಇನ್ನು ಕೆಲ ದಿನಗಳು ಬಾಕಿ ಇದೆ. ಈಗಾಗಲೇ ಐಸಿಸಿ ತನ್ನ ಅಧಿಕೃತ ವೆಬ್‌ಸೈಟ್‌ನಲ್ಲಿ ಪಂದ್ಯದ ಬಹುತೇಕ ಟಿಕೆಟ್‌ಗಳನ್ನು ಮಾರಾಟ ಮಾಡಿದ್ದರೂ, ಕಾಳಸಂತೆಯಲ್ಲಿ ಹಾಗೂ ಥರ್ಡ್‌ ಪಾರ್ಟಿ ವೆಬ್‌ಸೈಟ್‌ ಗಳಲ್ಲಿ ಟಿಕೆಟ್‌ಗಳಿಗೆ ಬೇಡಿಕೆ ಕಡಿಮೆಯಾಗಿಲ್ಲ.
ಜೂ. 9 ರಂದು ನ್ಯೂಯರ್ಕ್‌ನಲ್ಲಿ ನಡೆಯಲಿರುವ ಪಂದ್ಯದ ಟಿಕೆಟ್‌ಗಳು ಅಸಲಿ ಮೌಲ್ಯಕ್ಕಿಂತ 5ರಿಂದ 10 ಪಟ್ಟು ಹೆಚ್ಚು ಮೊತ್ತಕ್ಕೆ ಮಾರಾಟವಾಗುತ್ತಿವೆ. ಪಂದ್ಯದ ಟಿಕೆಟ್‌ಗಳನ್ನು ಮುಂಚಿತವಾಗಿಯೇ ಖರೀದಿಸಿದ್ದವರು ಅನಧಿಕೃತ ಟಿಕೆಟ್‌ ಮಾರಾಟ ವೆಬ್‌ಸೈಟ್‌ಗಳಲಿ ಟಿಕೆಟ್‌ ಮಾರಾಟಕ್ಕಿಟ್ಟಿದ್ದಾರೆ.
15,000ರಿಂದ 20,000 ರೂ. ಮೌಲ್ಯದ ಟಿಕೆಟ್‌ಗಳು ಕನಿಷ್ಠ 1.1 ಲಕ್ಷ ರೂಗೆ ಮಾರಾಟವಾಗುತ್ತಿದೆ. ಐಸಿಸಿ ಅಧಿಕೃತ ವೆಬ್‌ಸೈಟ್‌ನಲ್ಲಿ 2000 2750 ಅಮೆರಿಕ್‌ ಡಾಲರ್‌ ಮೌಲ್ಯದ ಕೆಲವೇ ಕೆಲವು ಟಿಕೆಟ್‌ಗಳಷ್ಟೇ ಲಭ್ಯವಿದ್ದು, ಈ ಟಿಕೆಟ್‌ಗಳಿಗೆ ಅನಧಿಕೃತ ವೆಬ್‌ಸೈಟ್‌ಗಳಲ್ಲಿ 8. 6 ಲಕ್ಷ ರೂ ಬೆಲೆ ನಿಗದಿಪಡಿಸಲಾಗಿದೆ.
