ಟಾಕ್ಸಿಕ್‌ ಸಿನಿಮಾದ ಸೇರಿದ ಅಮೇರಿಕಾದ ನಟ ಯಾರು?

ರಾಕಿಂಗ್‌ ಸ್ಟಾರ್‌ ಯಶ್ ಅಭಿನಯದ 19ನೇ ಸಿನಿಮಾ ಟಾಕ್ಸಿಕ್ ಕಥೆ ಏನು ಎಂಬುದು ಅಭಿಮಾನಿಗಳಲ್ಲಿ ಕುತೂಹಲ ಇದೆ. KGF ಸಿನಿಮಾದ ನಂತರ ಯಶ್ ಮತ್ತೆ ಶೂಟಿಂಗ್​ನಲ್ಲಿ ಬ್ಯುಸಿಯಾಗಿದ್ದು ಬೇರೆ ಎಲ್ಲೂ ಕಾಣಿಸಿಕೊಳ್ಳುತ್ತಿಲ್ಲ. ಕೆವಿಎನ್​ ನಿರ್ಮಾಣದಲ್ಲಿ ತಯಾರಾಗ್ತಿರುವ ಟಾಕ್ಸಿಕ್ ಸಿನಿಮಾವನ್ನು ಮಲಯಾಳಂ ನಿರ್ದೇಶಕಿ ಗೀತು ಮೋಹನ್ ದಾಸ್ ಡೈರೆಕ್ಟ್ ಮಾಡುತ್ತಿದ್ದಾರೆ.

ಆದರೆ ಟಾಕ್ಸಿಕ್ ಸಿನಿಮಾ ಅಪ್​ಡೇಟ್ ಏನಾದರೂ ಸಿಗಬಹುದಾ ಎಂದು ಫ್ಯಾನ್ಸ್​​ ಕಾತುರದಿಂದ ಇದ್ದಾರೆ. ಇದೀಗ ಲೇಟೆಸ್ಟ್​ ಅಪ್​ಡೇಟ್​ವೊಂದು ಸಿಕ್ಕಿದ್ದು, ಈ ಸಿನಿಮಾಗೆ ಮತ್ತೊಂದು ರೋಲ್ ಯಾರೆಂಬುದು ರಿವೀಲ್ ಆಗಿದೆ. ಬಾಲಿವುಡ್​​, ಕಾಲಿವುಡ್ ಆಯ್ತು, ಈಗ ಹಾಲಿವುಡ್​ನಿಂದ ಸ್ಟಾರ್​​ ನಟನೊಬ್ಬ ಕನ್ನಡದ ಟಾಕ್ಸಿಕ್ ಸಿನಿಮಾದಲ್ಲಿ ಅಭಿನಯಿಸಲು ಸಜ್ಜಾಗಿದ್ದಾರೆ. ಹೌದು, ಅಮೆರಿಕಾದ ಖ್ಯಾತ ನಟ ಕಿಲಿ ಪೌಲ್ ಟಾಕ್ಸಿಕ್ ಟೀಂ ಸೇರಿಕೊಂಡಿದ್ದಾರೆ.

ಈಗಾಗಲೇ ಸ್ಟಾರ್ ನಟ ಕಿಲಿ ಪೌಲ್ ಟಾಕ್ಸಿಕ್ ಸಿನಿಮಾ ಶೂಟಿಂಗ್​ನಲ್ಲು ಭಾಗಿಯಾಗಿದ್ದು, ಒಂದಷ್ಟು ಸಿನಿಮಾ ಶೂಟಿಂಗ್​ ನಡೆಲಾಗಿದೆ. ಕಿಲಿ ಪೌಲ್ ಜೊತೆಗೆ ಬೆನೆಡಿಕ್ಟ್ ಗ್ಯಾರೆಟ್ ಕೂಡ ಪ್ರಮುಖ ಪಾತ್ರವನ್ನು ನಿಭಾಯಿಸ್ತಿದ್ದಾರೆ. ಜೊತೆಗೆ ನಟ ರಾಕಿಂಗ್ ಸ್ಟಾರ್ ಯಶ್​ ಟಾಕ್ಸಿಕ್ ಸಿನಿಮಾದಲ್ಲಿ ಸಖತ್​ ಬ್ಯುಸಿಯಾಗಿದ್ದಾರೆ. ಆದರೆ ಟಾಕ್ಸಿಕ್ ಸಿನಿಮಾದ ತಾರಾಗಣ ದಿನದಿಂದ ದಿನಕ್ಕೆ ದೊಡ್ಡದಾಗುತ್ತಿದೆ.