ಕಾಡಿನಿಂದ ಬಂದ ತೋಳಗಳು 7 ಮಕ್ಕಳನ್ನು ಕೊಂದು ಮಹಿಳೆಯೊಬ್ಬಳನ್ನು ಗಾಯಗೊಳಿಸಿದ್ದ ಘಟನೆ ಬಹ್ರೈಚ್‌ ಜಿಲ್ಲೆಯಲ್ಲಿ ನಡೆದಿದೆ. ಮಕ್ಕಳನ್ನು ಕೊಂದ ತೋಳಗಳಿಗೆ ಆಪರೇಷನ್ ಭೇಡಿಯಾ ನಡೆಸಿ ಸೆರೆ ಹಿಡಿಯಲಾಗಿದೆ.
ಕಳೆದ ಎರಡು ತಿಂಗಳಲ್ಲಿ ಬಹ್ರೈಚ್‌ ಜಿಲ್ಲೆಯ 7 ಮಕ್ಕಳನ್ನು ಕೊಂದು ಮಹಿಳೆಯೊಬ್ಬರನ್ನು ತೋಳಗಳು ಗಾಯಗೊಳಿಸಿದ್ದವು. ಮಂಗಳವಾರ ರಾತ್ರಿ ಡ್ರೋನ್ ಕ್ಯಾಮೆರಾಗಳನ್ನು ಬಳಸಿ ಪಟಾಕಿ ಸಿಡಿಸುವ ಮೂಲಕ ತೋಳಗಳನ್ನು ಸೆರೆಹಿಡಿಯಲಾಗಿದ್ದು, ಅವುಗಳಿಗೆ ಪ್ರಾಣಿ ಸಂಗ್ರಹಾಲಯಕ್ಕೆ ಬಿಡಲಾಗಿದೆ.
ತೋಳಗಳನ್ನು ಹಿಡಿಯಲು ಸುಮಾರು 16 ತಂಡಗಳನ್ನು ರಚಿಸಲಾಗಿತ್ತು. ಆಪರೇಷನ್‌ಲ್ಲಿ ಡ್ರೋನ್ ಕ್ಯಾಮೆರಾ ಮತ್ತು ನಕ್ಷೆಗಳ ಉಪಯೋಗ ಮಾಡಿಕೊಳ್ಳಲಾಗಿತ್ತು. ಅರಣ್ಯ ಇಲಾಖೆಯ ಡಂಗ್ ಮತ್ತು ಉರಿನೆ ಹೆಸರಿನ ಆನೆಗಳನ್ನು ಬಳಸಿಕೊಂಡು ಅಧಿಕಾರಿಗಳು ತೋಳಗಳನ್ನು ಹಿಡಿಯಲು ಯಶಸ್ವಿಯಾಗಿದ್ದಾರೆ. ಮುಖ್ಯಮಂತ್ರಿ ಯೋಗಿ ಅದಿತ್ಯನಾಥ್ ಆಪರೇಷನ್ ಮೇಲೆ ನಿಗಾ ಇಟ್ಟಿದ್ದರು ಎಂದು ಮೂಲಗಳು ತಿಳಿಸಿವೆ.
