ಐಸ್ ಕ್ರೀಮ್ ತಿನ್ನುವ ಮುನ್ನ ಎಚ್ಚರ..!

• ಐಸ್ ಕ್ರೀಮ್ ನಲ್ಲಿ ಮನುಷ್ಯನ ಬೆರಳು

• ಮಹಾರಾಷ್ಟ್ರದ ಮುಂಬೈ ಸಿಟಿಯಲ್ಲಿ ಘಟನೆ

ಹೊರಗಡೆ ಸಿಗುವ ತಿಂಡಿ ತಿನಿಸುಗಳನ್ನು ತಿನ್ನುವ ಮೊದಲು ಎಚ್ಚರ. ಹೊರಗಡೆ ಬಾಯಿ ರುಚಿಗೆಂದು ಆನೇಕ ತಿಂಡಿಗಳನ್ನ ತಿನ್ನುತ್ತಿವಿ. ಇದರಿಂದ ಎಷ್ಟೋ ಮಂದಿ ಕಾಯಿಲೆಗಳಿಗೆ ತುತ್ತಾಗಿದ್ದಾರೆ. ಎಷ್ಟೋ ಜೀವಗಳು ಹೋಗಿವೆ. ಇನ್ನು ಆ ತಿಂಡಿಗಳಲ್ಲಿ ಕಲ್ಲು, ಕಸ ಕಡ್ಡಿ ಸಿಕ್ಕಿರುವ ಉದಾಹರಣೆಗಳು ಇವೆ. ಆದ್ರೆ ಇಲ್ಲಿ ಐಸ್ ಕ್ರೀಮ್ ನಲ್ಲಿ ಮನುಷ್ಯನ ಬೆರಳು ಸಿಕ್ಕಿದೆಯಂತೆ. ಈ ಘಟನೆ ಮಹಾರಾಷ್ಟ್ರದ ಮುಂಬೈ ಸಿಟಿಯ ಮಲಾಡ್ ಪ್ರದೇಶದಲ್ಲಿ ನಡೆದಿದೆ.

ಯುವಕನೊಬ್ಬ Yummo ಐಸ್ ಕ್ರೀಮ್ ನಿಂದ ಮೂರು ಐಸ್ ಕ್ರೀಮ್ ಕೋನ್ ಆರ್ಡರ್ ಮಾಡಿ ತಿನ್ನುವ ವೇಳೆ ಆತನ ಬಾಯಿಗೆ ಮನುಷ್ಯನ ಬೆರಳು ಸಿಕ್ಕಿದೆ. ಇದನ್ನು ಕಂಡು ಯುವಕ ಒಂದು ಕ್ಷಣ ಗಾಬರಿಗೊಂಡಿದ್ದಾನೆ. ಮೆಡಿಕಲ್‌ ವಿದ್ಯಾರ್ಥಿ ಆಗಿರುವ ಈತ ಅದನ್ನು ಮನುಷ್ಯನ ಬೆರಳೆಂದು ಗುರುತಿಸಿ ತಕ್ಷಣ ಮಲಾಡ್ ಪೊಲೀಸ್ ಠಾಣೆಯಲ್ಲಿYummo ಐಸ್ ಕ್ರೀಮ್ ವಿರುದ್ಧ ದೂರು ದಾಖಲಿಸಿದ್ದಾರೆ. ಪೊಲೀಸರು ಇದನ್ನು ಕುರಿತು ತನಿಖೆ ಮಾಡುತ್ತಿದ್ದು, ಇದು ಮನುಷ್ಯನ ಬೆರಳ ಅಥವಾ ಬೇರೆ ಯಾವುದಾದ್ರೂ ಅಂಗನ ಎಂದು ತನಿಖೆ ನಡೆಸುತ್ತಿದ್ದಾರೆ.

ಇದನ್ನು ಸುನಂದಾ ರಾಯ್ ಎಂಬುವರು ಅವರ X ಖಾತೆಯಲ್ಲಿ ವಿಡಿಯೋ ಶೇರ್ ಮಾಡಿ ಹೊರಗಡೆ ತಿನ್ನುವಾಗ ಎಚ್ಚರವಾಗಿರಿ ಎಂದು ಟ್ವೀಟ್ ಮಾಡಿದ್ದಾರೆ.