ಒಂದಲ್ಲ.. ಎರಡಲ್ಲ.. ಬರೋಬ್ಬರಿ 17 ವರ್ಷ. ಈ 17 ವರ್ಷಗಳ ಕಪ್ ಗೆಲ್ಲದ ಆರ್ಸಿಬಿ, 2025ರಲ್ಲಿ ಹೊಸ ರೂಪದಲ್ಲಿ ಕಣಕ್ಕಿಳಿಯಲು ಸಜ್ಜಾಗಿದೆ. ಈ ನಡುವೆ ವಿರಾಟ್, ಒಂದು ಶಪಥ ಮಾಡಿದ್ದಾರೆ. ನಿರ್ಗಮನಕ್ಕೂ ಮುನ್ನ ಆರ್ಸಿಬಿ ಹಾಗೂ ಅಭಿಮಾನಿಗಳ ಋಣಾಭಾರ ತೀರಿಸುವ ಲೆಕ್ಕಾಚಾರದಲ್ಲಿದ್ದಾರೆ.
ಇದು ಆರ್ಸಿಬಿ ಹೊಸ ಅಧ್ಯಾಯ. ಕಳೆದ ಸೀಸನ್ಗೂ ಮುನ್ನ ವಿರಾಟ್ ಕೊಹ್ಲಿಯ ಈ ಹೇಳಿಕೆ ಅಭಿಮಾನಿಗಳಲ್ಲಿ ಹೊಸ ಉತ್ಸಾಹ ತುಂಬಿತ್ತು. ಪ್ರತಿ ಸೀಸನ್ಗೂ ಮುನ್ನ ಈ ಸಲ ಕಪ್ ನಮ್ದೇ ಎನ್ನುತ್ತಿದ್ದ ವೀರಾಭಿಮಾನಿಗಳು, ಕಳೆದ ಸೀಸನ್ನಲ್ಲಿ ಕಪ್ 100% ನಮ್ದೇ ಅಂತಾ ಫಿಕ್ಸ್ ಆಗಿದ್ರು. ಆದ್ರೆ, ಇದೆಲ್ಲವೂ ಹುಸಿಯಾಗಿತ್ತು. ಈ ಬಾರಿ ಆ ಕನಸು ನನಸು ಮಾಡಲು ಪಣ ತೊಟ್ಟಿರೋ ಮ್ಯಾನೇಜ್ಮೆಂಟ್, ರಿಟೈನ್ಶನ್ನಲ್ಲಿ ಬೋಲ್ಡ್ ಡಿಸಿಷನ್ ತೆಗೆದುಕೊಂಡು, ಹೊಸ ಅಧ್ಯಾಯಕ್ಕೆ ಮುನ್ನುಡಿ ಬರೆದಿದೆ.
ಹೌದು! ನ್ಯೂ ಸೀಸನ್ಗೆ ನ್ಯೂ ಟೀಮ್ ಕಟ್ಟೋಕೆ ಮುಂದಾಗಿರುವ ಆರ್ಸಿಬಿ, ಹೊಸ ಆಟಗಾರರೊಂದಿಗೆ ಫ್ರೆಶ್ ಆಗಿ ಸೀಸನ್ ಆರಂಭಿಸುವ ಪ್ಲಾನ್ನಲ್ಲಿದೆ. ಆದ್ರೆ, ಈ ನಡುವೆ ವಿರಾಟ್ ಕೊಹ್ಲಿಯ ಒಂದೇ ಒಂದು ಮಾತು, ಆರ್ಸಿಬಿ ಅಭಿಮಾನಿಗಳಲ್ಲಿ ಮತ್ತೆ ಕಪ್ ಗೆಲ್ಲುವ ಕನಸನ್ನ ಹೆಚ್ಚಿಸಿದೆ. ನನ್ನ ಪಾಲಿಗೆ ಆರ್ಸಿಬಿ ಎಂದರೆ ಏನೆಂದು ಎಲ್ಲರಿಗೂ ತಿಳಿದಿದೆ. ಆರ್ಸಿಬಿ ಜತೆಗೆ ನನ್ನದು ವಿಶೇಷ ಅನುಬಂಧವಾಗಿದೆ. ಆರ್ಸಿಬಿ ಪರ ಆಡುವುದು ನನ್ನ ಪಾಲಿಗೆ ಯಾವಾಗಲೂ ವಿಶೇಷವಾದುದು. ಮುಂದಿನ 3 ವರ್ಷಗಳಲ್ಲಿ ನಾನು ಆರ್ಸಿಬಿ ತಂಡದಲ್ಲಿ 20 ವರ್ಷ ಪೂರ್ಣಗೊಳಿಸಲಿದ್ದೇನೆ. ಇದು ನನ್ನ ಪಾಲಿಗೆ ಅದ್ಭುತ ಅನುಭವವಾಗಿದೆ. ನಾನು ಇಷ್ಟು ವರ್ಷಗಳ ಕಾಲ ಒಂದೇ ತಂಡದ ಪರ ಆಡುವೆ ಎಂದು ಅಂದುಕೊಂಡಿರಲಿಲ್ಲ.. 2008ರ ಸೀಸನ್ನಿಂದಲೂ ರೆಡ್ ಆರ್ಮಿಯಲ್ಲೇ ಉಳಿದಿರುವ ವಿರಾಟ್, ಮುಂದಿನ 3 ವರ್ಷ ಆರ್ಸಿಬಿಯಲ್ಲೇ ಉಳಿಯೋದು ಕನ್ಫರ್ಮ್ ಆಗಿದೆ. ಆರ್ಸಿಬಿಯಲ್ಲೇ 2 ದಶಕ ಪೂರ್ಣಗೊಳಿಸಲು ಸಜ್ಜಾಗಿರೋ ವಿರಾಟ್, ಒಂದು ಸಂಕಲ್ಪ ಮಾಡಿದ್ದಾರೆ.
ಇದನ್ನು ಓದಿ: ಈ ವಾರ ಬಿಗ್‌ಬಾಸ್‌ ಮನೆಯಿಂದ ಹೊರಹೋಗ್ತಾ ಇರೋ ಸ್ಪರ್ಧಿ ಯಾರು?
3 ವರ್ಷಗಳಲ್ಲಿ 1 ಕಪ್.. ವಿರಾಟ್ ಪ್ರತಿಜ್ಞೆ..!
ಹೌದು! ವಿರಾಟ್ ಕೊಹ್ಲಿ ಹೇಳಿಕೆಯಂತೆ ಆರ್ಸಿಬಿ ಜೊತೆ ವಿಶೇಷ ನಂಟಿದೆ. ಈ ಬಗ್ಗೆ ಭಾವನಾತ್ಮಕವಾಗಿಯೇ ಮಾತನಾಡಿರುವ ವಿರಾಟ್, 3 ವರ್ಷಗಳ ಟಾರ್ಗೆಟ್ ಕೂಡ ಫಿಕ್ಸ್ ಮಾಡಿದ್ದಾರೆ. ವೃತ್ತಿ ಜೀವನದುದ್ದಕ್ಕೂ ಬೆಂಬಲವಾಗಿ ನಿಂತ ಫ್ರಾಂಚೈಸಿಗೆ, ಕಪ್ ಗೆಲ್ಲಿಸಿಕೊಡುವ ಹಂಬಲದಲ್ಲಿ ಪ್ರತಿಜ್ಞೆ ಮಾಡಿದ್ದಾರೆ. ಮುಂಬರುವ ಹರಾಜಿನ ಬಗ್ಗೆ ಕಾತರದಿಂದ ಇದ್ದೇನೆ. ಹೊಸ, ಬಲಿಷ್ಠ ತಂಡ ಕಟ್ಟುವ ಅವಕಾಶವಿದೆ. ಮುಂದಿನ 3 ವರ್ಷಗಳ ಸೈಕಲ್ನಲ್ಲಿ ಒಮ್ಮೆಯಾದರೂ ಐಪಿಎಲ್ ಪ್ರಶಸ್ತಿ ಗೆಲ್ಲಬೇಕೆಂಬುದು ನನ್ನ ಗುರಿಯಾಗಿದೆ. ಮುಂದಿನ ಸೀಸನ್ನಲ್ಲಿ ಎಂದಿನಂತೆಯೇ ನಮ್ಮ ಕಠಿಣ ಪ್ರಯತ್ನ ಮುಂದುವರಿಸುತ್ತೇವೆ. ಎಲ್ಲರಿಗೂ ಹೆಮ್ಮೆ ಪಡುವಂತೆ ಮಾಡುತ್ತೇವೆ ಎಂದು ಕೊಹ್ಲಿ ಹೇಳಿದ್ದಾರೆ.
ಆರ್ಸಿಬಿ ಋಣಭಾರ ತೀರಿಸ್ತಾರಾ ವಿರಾಟ್ ಕೊಹ್ಲಿ..?
ಕೊಹ್ಲಿ ಅಂದ್ರೆ, ಆರ್ಸಿಬಿ. ಆರ್ಸಿಬಿ ಅಂದ್ರೆ. ವಿರಾಟ್ ಅನ್ನೋ ಮಾತಿದೆ. ಅದು ನಿಜ ಕೂಡ. ಈ ವಿರಾಟ್ ಕೊಹ್ಲಿಯ ಮೇಲೆ ಆರ್ಸಿಬಿಯ ಋಣಾಭಾರ ಇದೆ. ತವರಿನ ಫ್ರಾಂಚೈಸಿಯೇ ಡೆಲ್ಲಿಯೇ ತಿರಸ್ಕರಿಸಿದ್ದಾಗ ಕೊಹ್ಲಿ ಬೆನ್ನಿಗೆ ನಿಂತಿದ್ದು ಆರ್ಸಿಬಿ. ಕೊಹ್ಲಿ ಸಕ್ಸಸ್, ಫೇಲ್ಯೂರ್ನಲ್ಲಿ ಹೆಗಲಿಗೆ ಹೆಗಲು ಕೊಟ್ಟು ನಿಂತಿದೆ. ಹೀಗೆ ಪ್ರತಿ ಹಂತದಲ್ಲಿ ಬೆನ್ನಿಗೆ ನಿಂತಿದ್ದ ಫ್ರಾಂಚೈಸಿಯ ಋಣಭಾರ ತೀರಿಸಬೇಕಿದೆ. ಕೊಹ್ಲಿಯ ಮಹಾದಾಸೆಯೂ ಇದೇ ಆಗಿದೆ. ಆದ್ರೆ, ಇದು ನಿಜವಾಗಬೇಕಾದ್ರೆ, ಬಿಗ್ಗೆಸ್ಟ್ ಚಾಲೆಂಜ್ ಗೆಲ್ಲಬೇಕಿದೆ.
ಇದನ್ನು ಓದಿ: ನಾವು ಬಹಳಷ್ಟು ತಪ್ಪುಗಳನ್ನು ಮಾಡಿದ್ದೇವೆ: ರೋಹಿತ್ ಶರ್ಮಾ!
ಮೆಗಾ ಹರಾಜಿನಲ್ಲಿ ಕಟ್ಟಬೇಕು ಬಲಿಷ್ಠ ತಂಡ..!
ವಿರಾಟ್ ಮಾತಿನಂತೆ ಆರ್ಸಿಬಿ ಬಲಿಷ್ಠ ತಂಡ ಕಟ್ಟಬೇಕಿದೆ. ಪ್ರಮುಖವಾಗಿ ಸಾಲಿಡ್ ಓಪನಿಂಗ್ ನೀಡಬಲ್ಲ ಓಪನರ್ಸ್, ಮಿಡಲ್ ಆರ್ಡರ್ನಲ್ಲಿ ತಂಡಕ್ಕೆ ನೆರವಾಗುವ ಬ್ಯಾಟರ್ಸ್, ಮ್ಯಾಚ್ ಫಿನಿಷರ್ಸ್ ಜೊತೆಗೆ ಓರ್ವ ಸ್ಪೆಷಲಿಸ್ಟ್ ಸ್ಪಿನ್ನರ್ ಆರ್ಸಿಬಿಗೆ ಅತ್ಯಗತ್ಯ.! ಅಷ್ಟೇ ಅಲ್ಲ.! ಯಶ್ ದಯಾಳ್ ಜೊತೆಗೆ ಪವರ್ ಪ್ಲೇ ಆ್ಯಂಡ್ ಡೆತ್ ಓವರ್ಗಳಲ್ಲಿ ಎದುರಾಳಿಗಳ ನಿದ್ದೆಗಡಿಸಬಲ್ಲ ಮಿಸೈಲ್ ಬೌಲರ್ಸ್ ಬೇಕಿದ್ದಾರೆ. ಒಟ್ಟಿನಲ್ಲಿ! 18 ಸೀಸನ್ನಿಂದ ಕಪ್ ನಮ್ಮದಾಗಲಿಲ್ಲ ಎಂಬ ಕೊರಗು ಮ್ಯಾನೇಜ್ಮೆಂಟ್ನ ಕಾಡ್ತಿದೆ. ಕೊಹ್ಲಿಗೂ ಈ ಕೊರಗಿದೆ. ಇದೇ ಕಾರಣಕ್ಕೆ ಸೀಸನ್ 19ಕ್ಕೆ ಹೊಸ ಟೀಮ್ ಕಟ್ಟಲು ದಿಟ್ಟ ಹೆಜ್ಜೆ ಇಟ್ಟಿದೆ. ಆದರೆ, ಈ ಪ್ಲಾನ್ ಎಷ್ಟರ ಮಟ್ಟಿಗೆ ವರ್ಕೌಟ್ ಆಗುತ್ತೆ ಅನ್ನೋದನ್ನ ಕಾದು ನೋಡಬೇಕಿದೆ.
