ಮಾಡ್ರನ್ ಡೇ ಕ್ರಿಕೆಟ್ನ ದೇವರು ವಿರಾಟ್ ಕೊಹ್ಲಿಯ ಆಟಕ್ಕೆ ಕುಣಿದು ಕುಪ್ಪಳಿಸಿದ್ದ ಫ್ಯಾನ್ಸ್, ಇದೀಗ ನಿಮ್ಮ ಆಟ ಸಾಕಪ್ಪ ಅಂತಿದ್ದಾರೆ. ಈ ವರ್ಷದಲ್ಲಂತೂ ವೈಫಲ್ಯದ ಹಾದಿ ಹಿಡಿದಿರೋ ವಿರಾಟ್, ರನ್ಗಳಿಕೆಗೆ ಪರದಾಟ ನಡೆಸ್ತಿದ್ದಾರೆ. ಕೊಹ್ಲಿ ಆಟವನ್ನ ಎಂಜಾಯ್ ಮಾಡ್ತಿದ್ದ ಫ್ಯಾನ್ಸ್, ಇದ್ರಿಂದ ಆಗಿರೋ ಬೇಸರ ಅಷ್ಟಿಷ್ಟಲ್ಲ. ಕೊಹ್ಲಿಯ ಈ ವೈಫಲ್ಯಕ್ಕೆ ಕಾರಣ ಇದೆ. ಆ ಕಾರಣ ಏನು..?
ನ್ಯೂಜಿಲೆಂಡ್ ಎದುರಿನ ಬೆಂಗಳೂರು ಟೆಸ್ಟ್ನ 2ನೇ ಇನ್ನಿಂಗ್ಸ್ನಲ್ಲಿ ಅರ್ಧಶತಕ ಸಿಡಿಸಿ ಮಿಂಚಿದ್ದ ಕೊಹ್ಲಿ, ಪುಣೆಯಲ್ಲಿ ಪವರ್ ಫುಲ್ ಕಮ್ಬ್ಯಾಕ್ ಮಾಡ್ತಾರೆ ಎಂಬ ನಿರೀಕ್ಷೆ ಎಲ್ಲರಲ್ಲೂ ಇತ್ತು. ಆದ್ರೆ, ಈ ನಿರೀಕ್ಷೆ ಹುಸಿಯಾಯ್ತು. ರನ್ಗಳಿಸೋದು, ಸೆಂಚುರಿ ಸಿಡಿಸೋ ನಿರೀಕ್ಷೆಯನ್ನ ಬಿಟ್ ಬಿಡಿ. ಮಿಚೆಲ್ ಸ್ಯಾಂಟ್ನರ್ಗೆ ವಿಕೆಟ್ ಒಪ್ಪಿಸಿದ ರೀತಿ ಇತ್ತಲ್ಲ ಅದಂತೂ ಹೀನಾಯವಾಗಿತ್ತು. ಕೊಹ್ಲಿ ಔಟಾದ ರೀತಿಗೆ ಅಭಿಮಾನಿಗಳ ಆಕ್ರೋಶದ ಕಟ್ಟೆ ಒಡೆದಿದೆ. ಟೀಕೆಗಳು ಕೇಳಿ ಬರ್ತಿವೆ. ಅಷ್ಟೇ ಅಲ್ಲ.! ದಿಗ್ಗಜ ಕ್ರಿಕೆಟಿಗರು ಕೂಡ ವಿರಾಟ್ ವೈಫಲ್ಯದ ಬಗ್ಗೆ ಡಿಬೇಟ್ ನಡೆಸ್ತಿದ್ದಾರೆ. ಇದ್ರ ನಡುವೆ ಲೆಜೆಂಡರಿ ಕ್ರಿಕೆಟಿಗ ಅನಿಲ್ ಕುಂಬ್ಳೆ, ವಿರಾಟ್ ವೈಫಲ್ಯದ ಹಿಂದಿನ ಸಿಕ್ರೇಟ್ ರಿವೀಲ್ ಮಾಡಿದ್ದಾರೆ.
ಇದನ್ನು ಓದಿ: ನಟಿಯರನ್ನ ಭೇಟಿ ಆಗಲ್ಲ; ಶಾಕ್‌ ಕೊಟ್ಟ ದರ್ಶನ್.!
ಕೇವಲ ನೆಟ್ ಪ್ರಾಕ್ಟೀಸ್ ಮಾಡುವುದಕ್ಕಿಂತ, ದೇಶಿ ಕ್ರಿಕೆಟ್ನಲ್ಲಿ ಒಂದೆರಡು ಇನ್ನಿಂಗ್ಸ್ ಆಡಿದ್ದರೂ, ವಿರಾಟ್ ಕೊಹ್ಲಿಗೆ ತುಂಬಾನೇ ಪ್ರಯೋಜನವಾಗುತ್ತಿತ್ತು. ಸ್ಪಿನ್ನರ್‌ಗಳ ಎದುರು ವಿರಾಟ್ ಕೊಹ್ಲಿ ರನ್ಗಳಿಸಲು ಪರದಾಡುತ್ತಿರುವುದಕ್ಕೆ ಇದೊಂದೇ ಕಾರಣ ಎಂದು ಹೇಳಲಾರೆ. ಆದ್ರೆ, ಮ್ಯಾನೇಜ್‌ಮೆಂಟ್ನ ಒಪ್ಪಿಸಿ ಮೊದಲೇ ದೇಶಿ ಕ್ರಿಕೆಟ್ ಪಂದ್ಯಗಳನ್ನಾಡಿದ್ರೆ, ಅನುಕೂಲವಾಗ್ತಿತ್ತು. ಅನಿಲ್ ಕುಂಬ್ಳೆ, ಮಾಜಿ ಆಟಗಾರ. ದಿಗ್ಗಜ ಅನಿಲ್ ಕುಂಬ್ಳೆ ಅಭಿಪ್ರಾಯದಲ್ಲಿ ತಪ್ಪಿಲ್ಲ. ಯಾಕಂದ್ರೆ, ಕಿಂಗ್ ಕೊಹ್ಲಿ ಎಂದು ಕರೆಸಿಕೊಳ್ಳುವ ಈ ಮಾಡ್ರನ್ ಡೇ ದಿಗ್ಗಜನ ಆಟ ಇಂದು ಅಷ್ಟರ ಮಟ್ಟಿಗೆ ಕುಸಿದಿದೆ. ಕಾನ್ಪಿಡೆನ್ಸ್ ಮಾಯವಾಗಿದೆ. ಪರದಾಟ ಸಾಮಾನ್ಯ ಅನ್ನಿಸಿ ಬಿಟ್ಟಿದೆ. ಮೊದಲಿದ್ದ ಕೊಹ್ಲಿ ಬ್ಯಾಟಿಂಗ್ ಖದರ್ಗೂ ಈಗಿರೋ ಬ್ಯಾಟಿಂಗ್ಗೂ ಅಜಗಜಾಂತರ ವ್ಯತ್ಯಾಸವಿದೆ. ಇದ್ರಿಂದಾಗಿ ವಿರಾಟ್ ಕೊಹ್ಲಿಯ ನಡೆ ಹಾಗೂ ಕಮಿಟ್ಮೆಂಟ್ನ ಪ್ರಶ್ನೆ ಮಾಡುವಂತಾಗಿದೆ.ಕಳೆದ ಬಾಂಗ್ಲಾದೇಶ ವಿರುದ್ಧದ ಸಿರೀಸ್ ಆರಂಭಕ್ಕೂ ಮುನ್ನ 2 ತಿಂಗಳು ಟೀಮ್ ಇಂಡಿಯಾ ಆಟಗಾರರು ರೆಸ್ಟ್ನಲ್ಲಿದ್ದರು. ಈ ವೇಳೆ ಟೀಮ್ ಮ್ಯಾನೇಜ್ಮೆಂಟ್ ಕೆಲ ಆಟಗಾರರಿಗೆ ಇರಾನಿ ಕಪ್ ಆಡುವಂತೆ ಸೂಚನೆಯನ್ನ ನೀಡಿತ್ತು. ಅದರಂತೆ ಕೆ.ಎಲ್.ರಾಹುಲ್, ರಿಷಭ್ ಪಂತ್, ಶುಭ್ಮನ್ ಗಿಲ್, ಯಶಸ್ವಿ ಜೈಸ್ವಾಲ್ ಇರಾನಿ ಟ್ರೋಫಿಯನ್ನಾಡಿ ಆ ಬಳಿಕ ಬಾಂಗ್ಲಾ ಟೆಸ್ಟ್ ಸರಣಿಗೆ ಬಂದ್ರು. ಆದ್ರೆ, ಇರಾನಿ ಕಪ್ನಿಂದ ದೂರ ಉಳಿದಿದ್ದ ವಿರಾಟ್ ಹಾಗೂ ರೋಹಿತ್ ಶರ್ಮಾ ಕೇವಲ ಅಭ್ಯಾಸವನ್ನಷ್ಟೇ ನಡೆಸಿ ಬಾಂಗ್ಲಾ ಎದುರು ಕಣಕ್ಕಿಳಿದಿದ್ದರು. ಆನ್ಫೀಲ್ಡ್ ಇವರು ಎಂತಾ ಪರ್ಫಾಮೆನ್ಸ್ ನೀಡಿದ್ದಾರೆ ಅನ್ನೋದು ನಿಮಗೆ ಗೊತ್ತು. ಕೇವಲ ಫಾರ್ಮ್ ಮಾತ್ರವಲ್ಲ. ಇಲ್ಲಿ ಕಮಿಟ್ಮೆಂಟ್ನ ಪ್ರಶ್ನೆಯೂ ಹುಟ್ಟಿದೆ. ಇತರೆ ಆಟಗಾರರಿಗೊಂದು ನ್ಯಾಯ? ಸೂಪರ್ ಸ್ಟಾರ್ಗಳಿಗೊಂದು ನ್ಯಾಯನಾ ಎಂಬ ಚರ್ಚೆ ನಡಿತಿದೆ.
2012, ನವೆಂಬರ್. ಉತ್ತರ ಪ್ರದೇಶ ಎದುರು ರಣಜಿ ಪಂದ್ಯವನ್ನಾಡಿದ್ದೆ ಕೊನೆ. ಆ ಬಳಿಕ ವಿರಾಟ್, ದೇಶಿ ಕ್ರಿಕೆಟ್ನಲ್ಲಿ ಕೊಹ್ಲಿ ಒಂದೇ ಒಂದು ಪಂದ್ಯ ಆಡಿಲ್ಲ. ವೈಫಲ್ಯ ಹಾದಿ ತುಳಿದಾಗಲೂ ಸ್ಟಾರ್ ಕ್ರಿಕೆಟರ್ ಎಂಬ ಮತ್ತಲ್ಲಿದ್ದ ಕಾರಣಕ್ಕೋ ಏನೋ ದೇಶಿ ಕ್ರಿಕೆಟ್ನ ಆಡಲಿಲ್ಲ. ಆದ್ರೆ, ಅಂದು ಎಲ್ಲವನ್ನು ನೋಡಿದ್ದ ಸಚಿನ್ ತೆಂಡುಲ್ಕರ್, ತನ್ನ 40ನೇ ವರ್ಷದಲ್ಲಿ 2013ರ ವೆಸ್ಟ್ ಇಂಡೀಸ್ ಎದುರಿನ ಟೆಸ್ಟ್ ಸರಣಿಗೂ ಮುನ್ನ ಹರಿಯಾಣ ಎದುರು ರಣಜಿ ಪಂದ್ಯವನ್ನಾಡಿದ್ದರು. ಆದ್ರೆ, ವಿರಾಟ್, ತಾನು ಹತ್ತಿ ಬಂದ ರಣಜಿ ಎಂಬ ಏಣಿಯನ್ನೇ ಮರೆತಂತಿದೆ.
ಇದನ್ನು ಓದಿ: ದೇಶದ ಮೊಟ್ಟಮೊದಲ ಸರಕು ವಿಮಾನ 2026ಕ್ಕೆ ಬಿಡುಗಡೆ..!
ಕಳೆದೊಂದು ವರ್ಷದಿಂದ ಫಾರ್ಮ್ ಸಮಸ್ಯೆ ಅನುಭವಿಸ್ತಿರುವ ವಿರಾಟ್, ಸ್ಪಿನ್ನರ್ಗಳಿಗೆ ಸುಲಭದ ತುತ್ತಾಗ್ತಿದ್ದಾರೆ. ವಿಕ್ನೇಸ್ ಸರಿಪಡಿಸಿಕೊಳ್ಳಲು ದೇಶಿ ಕ್ರಿಕೆಟ್ ಎಂಬ ಪರಿಹಾರದ ದಾರಿ ವಿರಾಟ್ ಮುಂದಿತ್ತು. ಈ ಹಿಂದೆ ಫಾರ್ಮ್ ಸಮಸ್ಯೆ ಅನುಭವಿಸಿದ್ದ ಭಾರತದ ಹಲವು ದಿಗ್ಗಜರು ದೇಶಿ ಕ್ರಿಕೆಟ್ಗೆ ತೆರಳಿ ಕಮ್ಬ್ಯಾಕ್ ಮಾಡಿದ್ದಿದೆ. ಆದ್ರೆ, ಇದ್ಯಾವುದನ್ನು ಗಣನೆಗೆ ತೆಗೆದುಕೊಳ್ಳದ ವಿರಾಟ್, ಬ್ರೇಕ್ ಸಿಕ್ರೆ ಸಾಕು ಲಂಡನ್ಗೆ ಹಾರ್ತಾರೆ.
2023.. ಜುಲೈ, ವೆಸ್ಟ್ ಇಂಡೀಸ್ ಎದುರು ಟೆಸ್ಟ್ ಕ್ರಿಕೆಟ್ನಲ್ಲಿ ಶತಕ ಸಿಡಿಸಿದ್ದ ಕೊಹ್ಲಿ, ಈ ಬಳಿಕ ಹೇಳಿಕೊಳ್ಳುವಂತ ಆಟವಾಡಿಲ್ಲ. ಹೋಮ್ ಕಂಡೀಷನ್ಸ್ನಲ್ಲೂ ಕೊಹ್ಲಿಯ ಪರದಾಟ ನೋಡಿ ಬೇಸತ್ತಿರುವ ಕೆಲ ಫ್ಯಾನ್ಸ್, ಸದ್ಯ ಗೌರವದಿಂದ ನಿವೃತ್ತಿ ಹೇಳುವಂತೆ ಒತ್ತಾಯಿಸುತ್ತಿದ್ದಾರೆ. ಕೊಹ್ಲಿಯ ಆಟ ಅಷ್ಟು ಬೇಸರ ತರಿಸಿದೆ. ಮುಂಬರುವ ಆಸಿಸ್ ಪ್ರವಾಸಕ್ಕೂ ಮುನ್ನವಾದ್ರೂ ಎಚ್ಚೆತ್ತುಕೊಂಡು ಕೊಹ್ಲಿ, ವೀಕ್ನೆಸ್ ಮೇಲೆ ವರ್ಕೌಟ್ ಮಾಡಬೇಕಿದೆ. ಆಸ್ಟ್ರೇಲಿಯಾ ಆಟಗಾರರಂತೆ ದೇಶಿ ಕ್ರಿಕೆಟ್ಗೆ ಮರಳಿ ಸಮಸ್ಯೆಗೆ ಪರಿಹಾರ ಕಂಡುಕೊಂಡ್ರೆ, ಕೊಹ್ಲಿ ಏನು ಸಣ್ಣವರಾಗಲ್ಲ..!
