ಸೌತ್ ಚಿತ್ರರಂಗದ ಐಕಾನಿಕ್ ಮೂವಿ ಅಲೈಪಾಯುದೆ. ಮಣಿರತ್ನಂ ಅವರ ಅದ್ಭುತ ನಿರ್ದೇಶನಗಳಲ್ಲಿ ಈ ಸಿನಿಮಾಗೆ ಅಗ್ರಸ್ಥಾನವಿದೆ. ಈ ಸಿನಿಮಾ ಹಿಂದಿಗೂ ರಿಮೇಕ್ ಆಗಿತ್ತು. ಆರ್ ಮಾಧವನ್ ಹಾಗೂ ನಟಿ ಶಾಲಿನಿ ಅವರು ಅಭಿನಯಿಸಿದ ಈ ಸಿನಿಮಾ ಸಿಕ್ಕಾಪಟ್ಟೆ ಫೇಮಸ್ ಆಗಿತ್ತು. ಅಷ್ಟೇ ಅಲ್ಲದೆ ಈ ಸಿನಿಮಾ ಮೂಲಕ ಶಾಲಿನಿ ಮಾಧವನ್ ಜೋಡಿ ಸಿನಿ ಪ್ರಿಯರ ನೆಚ್ಚಿನ ಜೋಡಿಯಾಯಿತು.
ನಟ ಮಾಧವನ್ ಹಾಗೂ ಶಾಲಿನಿ ಅಜಿತ್ ಕುಮಾರ್ ಅವರು ಇತ್ತೀಚೆಗೆ ಒಂದು ಸೆಲ್ಫಿಗೆ ಜೊತೆಯಾದರು. ಅವರ ಫೋಟೋ ಸೆಷನ್ ನೆಟ್ಟಿಗರನ್ನು ನಿಜಕ್ಕೂ ಖುಷಿಯಾಗಿಸಿತು. ಮಣಿರತ್ನಂ ಅವರ ರೊಮ್ಯಾಂಟಿಕ್ ಡ್ರಾಮಾ ಸಿನಿಮಾ ಅಲೈಪಾಯುದೆನಲ್ಲಿ ಅವರು ಜೋಡಿಯಾಗಿದ್ದರು. ಈ ಮೂವಿ ಸಿನಿ ಪ್ರಿಯರ ಮರೆಯಲಾಗದ ಸಿನಿಮಾ ಆಯಿತು. ಶಾಲಿನಿ ಅವರು ತಮ್ಮ ಸಹ ನಟ ಮಾಧವನ್ ಅವರ ಜೊತೆ ಫೋಟೋ ಶೇರ್ ಮಾಡಿದರು. ಈ ಫೋಟೋ ನೋಡಿದ ನೆಟ್ಟಿಗರು ಎಕ್ಸೈಟ್ ಆದರು. ಅಲೈಪಾಯುದೆ 2 ಬರುತ್ತಾ? ಪೇರೆಂಟ್ಸ್ ಎಡಿಷನ್ ಸಿನಿಮಾ ಮಾಡುತ್ತೀರಾ ಎಂದು ನೆಟ್ಟಿಗರು ಪ್ರಶ್ನಿಸಿದ್ದಾರೆ. ಕಾರ್ತಿಕ್ ಮತ್ತು ಶಕ್ತಿ ಮತ್ತೆ ಒಂದಾಗಿ ಎಂದು ನೆಟ್ಟಿಗರು ಕಮೆಂಟ್ ಮಾಡಿ ಕೇಳಿದ್ದಾರೆ. ಇವು ಅವರಿಬ್ಬರ ಪಾತ್ರದ ಹೆಸರುಗಳು.
ಅಲೈಪಾಯುದೆ ಸಿನಿಮಾ ಮಣಿರತ್ನಂ ನಿರ್ದೇಶಿಸಿದ್ದಾರೆ. ಇದು ತಮಿಳಿನ ಅತ್ಯಂತ ಹಿಟ್ ರೊಮ್ಯಾಂಟಿಕ್ ಮೂವಿಯಾಗಿದೆ. ಈ ಒಂದು ಸಿನಿಮಾ ಪ್ರೀತಿಯಲ್ಲಿ ಎದುರಾಗುವ ಸವಾಲುಗಳು, ಸಮಸ್ಯೆಗಳೂ ಎಲ್ಲವನ್ನೂ ರಿವೀಲ್ ಮಾಡಿತ್ತು. ಪ್ರೀತಿ ಎಷ್ಟು ಮದಧುರವೋ ಅಷ್ಟೇ ಕಷ್ಟಗಳಿಂದ ಕೂಡಿದೆ ಎಂದು ಯುವಜನರಿಗೆ ಈ ಸಿನಿಮಾ ಕಣ್ಣಿಗೆ ಕಟ್ಟಿದಂತೆ ತೋರಿಸಿತ್ತು. ಎ. ಆರ್ ರೆಹಮಾನ್ ಅವರ ಮ್ಯೂಸಿಕ್ ಮಾಧವನ್ ಅವರ ಅಭಿನಯ, ಶಾಲಿನಿ ಅವರ ಕಾಲೇಜು ಹುಡುಗಿಯ ಪಾತ್ರ ಅವರಿಬ್ಬರ ನಡುವಿನ ಅತ್ಯಂತ ಕ್ಯೂಟ್ ರೊಮ್ಯಾನ್ಸ್ ಎಲ್ಲರಿಂದಲೂ ವ್ಯಾಪಕವಾಗಿ ಮೆಚ್ಚುಗೆ ಗಳಿಸಿತು. ಅವರಿಬ್ಬರ ಜೋಡಿ ಈ ಸಿನಿಮಾವನ್ನು ಎವರ್ಗ್ರೀನ್ ಎನಿಸುವಂತೆ ಮಾಡಿತು.
ಎಷ್ಟೇ ನಟರು ಬಂದು ಹೋದರೂ 90ರ ದಶಕದ ಪ್ರೇಕ್ಷಕರಿಗೆ ತಮಿಳು ಚಿತ್ರರಂಗದ ಚಾಕೊಲೇಟ್ ಬಾಯ್ ಎಂದರೆ ನೆನಪಾಗುವುದು ನಟ ಮಾಧವನ್ ಮಾತ್ರ. ನಟ ಮಾಧವನ್ ಅಲೈಪಾಯುತೆ ಚಿತ್ರದ ಮೂಲಕ ತಮಿಳು ಚಿತ್ರರಂಗಕ್ಕೆ ಕಾಲಿಟ್ಟರು. ಮಾಧವನ್ ಅವರ ಸಿನಿಮಾ ಅಲೈಪಾಯುತೆಯಲ್ಲಿ ಶಾಲಿನಿಯೊಂದಿಗೆ ಬೈಕ್‌ನಲ್ಲಿ ಹೆಡ್‌ಫೋನ್‌ಗಳನ್ನು ಕಿವಿಗೆ ಹಾಕಿಕೊಂಡ ದೃಶ್ಯವು ನಟನಿಗೆ ಅಪಾರ ಮಹಿಳಾ ಅಭಿಮಾನಿಗಳನ್ನು ತಂದುಕೊಟ್ಟಿತು. ಮಾಧವನ್ ಅವರ ನಂತರದ ಎಲ್ಲಾ ಚಿತ್ರಗಳು ಅವರಿಗೆ ಹಿಟ್ಗಳನ್ನು ನೀಡಿತು. ಅವರು ತಮಿಳುನಾಡು ಮಾತ್ರವಲ್ಲದೆ ದೇಶಾದ್ಯಂತ ಅಪಾರ ಅಭಿಮಾನಿಗಳನ್ನು ಗಳಿಸಲಾರಂಭಿಸಿದರು. ತಮಿಳಿನ ಹೊರತಾಗಿ, ಮಾಧವನ್ ಇತರ ಭಾಷೆಗಳಲ್ಲಿಯೂ ನಟಿಸಲು ಪ್ರಾರಂಭಿಸಿದರು. ಅವರ ಹಿಂದಿ ಚಿತ್ರಗಳಾದ ರಂಗ್ದೆ ಬಸಂತಿ, ತನು ವೆಡ್ಸ್ ಮನು, ತ್ರೀ ಈಡಿಯಟ್ಸ್ ಅವರಿಗೆ ಗೆಲುವು ತಂದುಕೊಟ್ಟಿತು.
ನಟ ಮಾಧವನ್ 90 ರ ದಶಕದಲ್ಲಿ ತಮ್ಮ ವಿಶಿಷ್ಟ ಅಭಿನಯದಿಂದ ಎಲ್ಲರನ್ನೂ ಆಕರ್ಷಿಸಿದರು.ಕಳೆದ ವರ್ಷ ತೆರೆಕಂಡ ರಾಕೆಟ್ರಿ ಚಿತ್ರಕ್ಕೆ ರಾಷ್ಟ್ರಪ್ರಶಸ್ತಿ ಪಡೆದಿರುವುದು ಗಮನಾರ್ಹ. ನಟ ಮಾಧವನ್ ಎರಡು ಹಿಂದಿ ಚಿತ್ರಗಳನ್ನು ಪೂರ್ಣಗೊಳಿಸಿದ್ದಾರೆ. 2 ತಮಿಳು ಚಿತ್ರಗಳನ್ನು ಮಾಡುತ್ತಿದ್ದಾರೆ. ಸದ್ಯ ಮಾಧವನ್ ಅಭಿನಯದ ರೈಲ್ವೇ ಮ್ಯಾನ್ ಹಿಂದಿ ವೆಬ್ ಸಿರೀಸ್ ಬಿಡುಗಡೆಯಾಗಿದೆ. ಇದರಲ್ಲಿ ನಟಿ ಜೂಹಿ ಚಾವ್ಲಾ ನಟಿಸಿದ್ದಾರೆ. ಮಾಧವನ್ ಅವರು ಶೈತಾನ್ ಮೂಲಕ ಒಟಿಟಿಯಲ್ಲಿ ಮಿಂಚಿದ್ದರು. ಅಷ್ಟೇ ಅಲ್ಲದೆ ಬ್ರೆತ್ ಸೇರಿದಂತೆ ಹಲವು ಸಿರೀಸ್ ಮಾಡಿದ್ದು ಅವರ ಅಭಿನಯದ ಬಹುತೇಕ ಸಿನಿಮಾ ಹಿಟ್ ಆಗಿವೆ.
