ಸ್ಮಾರ್ಟ್‌ಫೋನ್‌ ಮಾರುಕಟ್ಟೆ ಕ್ಷೇತ್ರದಲ್ಲಿ ಪ್ರಾಭಲ್ಯ ಸಾಧಿಸಿರೋ ಟೆಕ್ ಕಂಪನಿ ಎಂದರೆ ಆ್ಯಪಲ್. ಆ್ಯಪಲ್ ಕಂಪನಿ ಈಗ ಹೊಸ ಐಫೋನ್ 16 ಸೀರೀಸ್ ರಿಲೀಸ್ ಮಾಡಲು ಸಜ್ಜಾಗಿದೆ. ಮುಂದಿನ ತಿಂಗಳು ಸೆಪ್ಟೆಂಬರ್ 10ನೇ ತಾರೀಕು ಐಫೋನ್ 16 ಲಾಂಚ್ ಆಗಲಿದೆ ಎಂದು ತಿಳಿದು ಬಂದಿದೆ. ಇದು ಹೈಫೈ ತಂತ್ರಜ್ಞಾನ ಹೊಂದಿದ್ದು, ಪ್ರೀಮಿಯಂ ಗ್ರಾಹಕರನ್ನು ಸೆಳೆಯಲಿದೆ. ಎಂದಿನಂತೆಯೇ ಈ ಸಲ ಕೂಡ ಆ್ಯಪಲ್ ನಾಲ್ಕು ರೂಪಾಂತರದಲ್ಲಿ ಫೋನ್ ಲಾಂಚ್ ಮಾಡಲಿದೆ. iPhone 16, iPhone 16 Plus, iPhone 16 Pro ಮತ್ತು iPhone 16 Pro Max ಏಕಕಾಲಕ್ಕೆ ಮಾರುಕಟ್ಟೆಯಲ್ಲಿ ರಿಲೀಸ್ ಮಾಡಲಾಗುತ್ತದೆ.
ಐಫೋನ್ 16 ಬೆಲೆ ಎಷ್ಟು..?
ಐಫೋನ್ ಖರೀದಿಸುವುದು ಎಂದರೆ ಎಲ್ಲರೂ ಹಿಂದೆ ಮುಂದೆ ನೋಡುತ್ತಾರೆ. ಇದಕ್ಕೆ ಕಾರಣ ಇದರ ಬೆಲೆ ಬಹಳ ದುಬಾರಿ. ಸದ್ಯಕ್ಕೆ ಲಭ್ಯವಾಗಿರೋ ಮಾಹಿತಿ ಪ್ರಕಾರ ಇದರ ಬೇಸ್ ಪ್ರೈಸ್ 80 ಸಾವಿರ ಇರಲಿದೆ ಎಂದು ತಿಳಿದು ಬಂದಿದೆ. ಈ ಬಾರಿ ಐಫೋನ್ 16ನಲ್ಲಿ ಸ್ವಲ್ಪ ಹೆಚ್ಚು ಅಪ್‌ಗ್ರೇಡ್‌ ಮಾಡಲಾಗಿದ್ದು, ಹಾಗಾಗಿ ಬೆಲೆ ದುಬಾರಿ ಆಗಿದೆ.
ಏನೆಲ್ಲಾ ಫೀಚರ್ಸ್ ಹೊಂದಿದೆ?
ಆಪಲ್‌ 16 ಪ್ರೊ ಮೊಬೈಲ್ ಡಿಸ್‌ಪ್ಲೇ 6.3 ಇರಲಿದೆ. 16 Pro Max ನ ಡಿಸ್‌ಪ್ಲೇ ಗಾತ್ರ 6.9 ಮತ್ತು ಐಫೋನ್ 16 ಡಿಸ್‌ಪ್ಲೇ ಹಳೆದ ಐಫೋನ್ 15ರಂತೆ ಇರಲಿದೆ. ವಿನ್ಯಾಸದಲ್ಲಿ ಯಾವುದೇ ಪ್ರಮುಖ ಬದಲಾವಣೆ ಇರಲು ಸಾಧ್ಯವಿಲ್ಲ. ಈ ಫೋನ್‌ಗಾಗಿ ಹೊಸ A ಸರಣಿ ಚಿಪ್‌ಗಳನ್ನು ವಿನ್ಯಾಸಗೊಳಿಸಲಾಗಿದೆ. ಇದರಲ್ಲಿ ಕೃತ AI ಫೀಚರ್ಸ್‌‌ಗಳು ಇರಲಿವೆ.
ಬ್ಯಾಟರಿ ಕ್ಯಾಪಸಿಟಿ ಎಷ್ಟು?
ಐಫೋನ್ 16 3561mAh, ಐಫೋನ್ 16 ಪ್ಲಸ್‌ 4006mAh, ಐಫೋನ್ 16 ಪ್ರೊ 3355mAh ಮತ್ತು iPhone 16 ಪ್ರೊ ಮ್ಯಾಕ್ಸ್‌ 4676mAh ಬ್ಯಾಟರಿ ಕ್ಯಾಪಸಿಟಿ ಹೊಂದಿದೆ. ಬಳಕೆದಾರರಿಗೆ ಕ್ಯಾಪ್ಚರ್‌ ಬಟನ್‌ ನೀಡಲು ಆಪಲ್‌ ನಿರ್ಧರಿಸಿದೆ. ಇದರಿಂದ ಸುಲಭವಾಗಿ ಫೋಟೋಗಳನ್ನು, ವಿಡಿಯೋಗಳನ್ನು ಶೂಟ್‌ ಮಾಡಬಹುದು. ಐಫೋನ್ 16 ಪ್ರೊ ತೂಕ 194 ಗ್ರಾಂ ಆಗಿದ್ದರೆ, ಐಫೋನ್ 16 ಪ್ರೊ ಮ್ಯಾಕ್ಸ್‌ನ ತೂಕ 225 ಗ್ರಾಮ್ ಆಗಿರಬಹುದು ಎಂದು ತಿಳಿದು ಬಂದಿದೆ.
