2025ರ ಇಂಡಿಯನ್ ಪ್ರೀಮಿಯರ್ ಲೀಗ್ ಮೆಗಾ ಹರಾಜಿಗೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಭರ್ಜರಿ ತಯಾರಿ ನಡೆಸಿಕೊಂಡಿದೆ. ಅದಕ್ಕಾಗಿ ಆರ್ಸಿಬಿ ಈಗಾಗಲೇ ಬೆಂಗಳೂರಲ್ಲಿ ಮಾಕ್ ಆಕ್ಷನ್ ಕೂಡ ನಡೆಸಿದೆ. ಮಾಕ್ ಹರಾಜಿನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡದಿಂದ ಹೊರಬಿದ್ದಿರೋ ರಿಷಬ್ ಪಂತ್ ಅವರಿಗೆ ಆರ್ಸಿಬಿ ಬರೋಬ್ಬರಿ 16 ಕೋಟಿ ಖರೀದಿ ಮಾಡಿರೋ ವಿಡಿಯೋ ವೈರಲ್ ಆಗಿದೆ.
ಹರಾಜಿಗೆ ಇನ್ನೇನು ಕೆಲವೇ ದಿನಗಳು ಬಾಕಿ ಇವೆ. ಈ ಹೊತ್ತಲ್ಲೇ ಯಾವ ಆಟಗಾರರಿಗೆ ಮಣೆ ಹಾಕಬೇಕು ಎಂದು ಆರ್ಸಿಬಿ ಲಿಸ್ಟ್ ಮಾಡಿಕೊಳ್ಳುತ್ತಿದೆ. ಆರ್ಸಿಬಿ ಟಾರ್ಗೆಟ್ ಪಟ್ಟಿಯಲ್ಲಿ ಈ ವಿದೇಶಿ ಆಟಗಾರರ ಹೆಸರು ಇದೆ ಅನ್ನೋದು ಅಚ್ಚರಿ.
ಇದನ್ನು ಓದಿ:ನನಗೆ ಸತತವಾಗಿ ಕೊಲೆ ಬೆದರಿಕೆಗಳು ಬರುತ್ತಲೇ ಇವೆ: ವಿಕ್ರಾಂತ್ ಮೆಸ್ಸಿ!
ಮೂವರನ್ನು ರೀಟೈನ್ ಮಾಡಿಕೊಂಡ RCB
ಈಗಾಗಲೇ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತನ್ನ ರೀಟೈನ್ ಲಿಸ್ಟ್ ರಿಲೀಸ್ ಮಾಡಿದೆ. ಆರ್ಸಿಬಿ ಟೀಮ್ ಮೊದಲು ರೀಟೈನ್ ಮಾಡಿಕೊಂಡಿದ್ದು ವಿರಾಟ್ ಕೊಹ್ಲಿ. 2ನೇ ಆಯ್ಕೆ ರಜತ್ ಪಾಟಿದಾರ್ ಮತ್ತು 3ನೇ ಆಯ್ಕೆಯಾಗಿ ಯಶ್ ದಯಾಳ್ ಅವರನ್ನು ಉಳಿಸಿಕೊಂಡಿದೆ. ಆರ್ಸಿಬಿ ತಂಡ ವಿರಾಟ್ ಕೊಹ್ಲಿ ಅವರಿಗೆ ಬರೋಬ್ಬರಿ 21 ಕೋಟಿ ನೀಡಿ ಉಳಿಸಿಕೊಂಡಿದೆ. ರಜತ್ ಪಾಟಿದಾರ್ ಅವರಿಗೆ 11 ಕೋಟಿ ಮತ್ತು ಯಶ್ ದಯಾಳ್ ಅವರಿಗೆ 5 ಕೋಟಿ ನೀಡಿ ರೀಟೈನ್ ಮಾಡಿಕೊಳ್ಳಲಾಗಿದೆ. ಈ ಮೂವರಿಗಾಗಿ ಆರ್ಸಿಬಿ ಸುಮಾರು 37 ಕೋಟಿ ಖರ್ಚು ಮಾಡಿದೆ.
ದಕ್ಷಿಣ ಆಫ್ರಿಕಾ ಆಟಗಾರರೇ ಟಾರ್ಗೆಟ್
ಮೆಗಾ ಆಕ್ಷನ್ನಲ್ಲಿ ಆರ್ಸಿಬಿ ಇಬ್ಬರು ದಕ್ಷಿಣ ಆಫ್ರಿಕಾದ ಆಟಗಾರರನ್ನು ಟಾರ್ಗೆಟ್ ಮಾಡಲಿದೆ. ಈ ಪಟ್ಟಿಯಲ್ಲಿ ಮೊದಲು ಕಾಣಿಸಿಕೊಳ್ಳುವುದು ಕ್ವಿಂಟನ್‌ ಡಿಕಾಕ್‌. ಇವರು ಎಡಗೈ ಬ್ಯಾಟರ್ ಮತ್ತು ಈಗಾಗಲೇ ಆರ್ಸಿಬಿ ಪರ ಆಡಿದ ಅನುಭವ ಇದೆ. ಇನ್ನೊಬ್ಬ ಆಟಗಾರ ರಿಯಾನ್ ರಿಕಲ್ಟನ್ಗೂ ಆರ್ಸಿಬಿ ಬಾಜಿ ಕಟ್ಟಬಹುದು. ಇವರು ತಂಡಕ್ಕೆ ಸೇರಿದ್ರೆ ಕೊಹ್ಲಿ ಜೊತೆ ಉತ್ತಮವಾಗಿ ಆಡಬಲ್ಲರು.
ಇಂಗ್ಲೀಷ್ ಪ್ಲೇಯರ್ಸ್ ಮೇಲೆ ಕಣ್ಣು
ಐಪಿಎಲ್‌ನಲ್ಲಿ ಆಡಿ ಸೈ ಎನಿಸಿಕೊಂಡಿರೋ ಇಬ್ಬರು ಇಂಗ್ಲೆಂಡ್ ಸ್ಟಾರ್ ಆಟಗಾರರು ಜೋಸ್ ಬಟ್ಲರ್ ಮತ್ತು ಫಿಲ್ ಸಾಲ್ಟ್‌. ಈ ಇಬ್ಬರೂ ವಿಕೆಟ್‌ ಕೀಪರ್ ಬ್ಯಾಟರ್ಸ್. ಆರ್ಸಿಬಿ ತಂಡಕ್ಕೆ ಬಲ ತುಂಬ ಬಲ್ಲರು. ರಾಜಸ್ಥಾನ ರಾಯಲ್ಸ್‌ ತಂಡ ಕೈ ಬಿಟ್ಟ ಜೋಸ್ ಬಟ್ಲರ್ ಖರೀದಿಗೆ ಆರ್ಸಿಬಿ ಹಣದ ಹೊಳೆಯನ್ನೇ ಹರಿಸಲಿದೆ.
ಇದನ್ನು ಓದಿ: ನನಗೆ ಕೊಂಚ ಸ್ವಾತಂತ್ರ್ಯ ಬೇಕು: ಕೆಎಲ್ ರಾಹುಲ್‌ ಹೀಗೆ ಹೇಳಿದ್ದು ಏಕೆ?
ಆಸ್ಟ್ರೇಲಿಯಾದ ಆಟಗಾರನಿಗೂ ಮಣೆ
ಆಸ್ಟ್ರೇಲಿಯಾ ತಂಡದ ಸ್ಟಾರ್ ಆಟಗಾರ ಜೋಶ್ ಇಂಗ್ಲಿಷ್‌. ಇವರ ಮೇಲೆ ಆರ್ಸಿಬಿ ಕಣ್ಣಿಟ್ಟಿದೆ. ವಿಕೆಟ್‌ ಕೀಪರ್ ಬ್ಯಾಟರ್ ಆಗಿರೋ ಇವರಿಗೆ ಟಿ20 ಕ್ರಿಕೆಟ್ ಅನುಭವ ಇದೆ. ಕ್ಲಾಸಿಕ್ ಬ್ಯಾಟಿಂಗ್ಗೆ ಹೆಸರು ವಾಸಿಯಾಗಿರೋ ಜೋಶ್, ತಮ್ಮ ಆಟದಿಂದಲೇ ಆರ್ಸಿಬಿ ಗಮನ ಸೆಳೆದವ್ರು.
