ಕೆ.ಎಲ್.ರಾಹುಲ್ ಟೆಸ್ಟ್ ಕ್ರಿಕೆಟ್ಗೆ ಹೇಳಿ ಮಾಡಿಸಿರುವ ಆಟಗಾರ. ನ್ಯೂಜಿಲೆಂಡ್ ಎದುರು ರಾಹುಲ್, ಕೆಲವೊತ್ತು ಸ್ಟ್ರ್ಯಾಂಡ್ ಕೊಟ್ಟಿದ್ದರೂ ಸಾಕಿತ್ತು ಪಂದ್ಯದ ಫಲಿತಾಂಶವೇ ಬದಲಾಗ್ತಿತ್ತು. ಇಂಥ ಸಂಕಷ್ಟದಲ್ಲಿ ರಾಹುಲ್ ಕೈ ಹಿಡಿಯಲಿಲ್ಲ. ಈತನ ಆಟಕ್ಕೆ ಅಭಿಮಾನಿಗಳ ಆಕ್ರೋಶದ ಕಟ್ಟೆ ಒಡೆದಿದ್ದು, ಸೋಷಿಯಲ್ ಮೀಡಿಯಾದಲ್ಲಿ ರೋಸ್ಟ್ ಮಾಡ್ತಿರುವ ಫ್ಯಾನ್ಸ್, ಬಿಸಿಸಿಐ ಮುಂದೆ ಒಂದು ಬೇಡಿಕೆ ಇಟ್ಟಿದ್ದಾರೆ.
ಮೊದಲ ಇನ್ನಿಂಗ್ಸ್ ಡಕೌಟ್..
ಬೆಂಗಳೂರಿನ ಟೆಸ್ಟ್ನಲ್ಲಿ ನಿರೀಕ್ಷೆಯ ಭಾರ ಇದಿದ್ದೇ. ಕನ್ನಡಿಗ ಕೆ.ಎಲ್.ರಾಹುಲ್ ಮೇಲೆ. ತವರಿನ ಅಂಗಳದಲ್ಲಿ ಕೆ.ಎಲ್.ರಾಹುಲ್ ಅಬ್ಬರಿಸ್ತಾರೆ. ಗೆಲುವಿನ ರೂವಾರಿ ಆಗ್ತಾರೆ ಅಂತಾನೇ ಎಲ್ಲರೂ ನಿರೀಕ್ಷೆ ಇಟ್ಟಿದ್ರು. ಕೆ.ಎಲ್.ರಾಹುಲ್ ಆ ನಿರೀಕ್ಷೆಯನ್ನೆಲ್ಲಾ ಸುಳ್ಳಾಗಿಸಿದ್ರು.
ಮೊದಲ ಇನ್ನಿಂಗ್ಸ್ ಶೂನ್ಯಕ್ಕೆ ಪೆವಿಲಿಯನ್ ಸೇರಿದ್ದ ರಾಹುಲ್, 2ನೇ ಇನ್ನಿಂಗ್ಸ್ನಲ್ಲಿ ಜವಾಬ್ದಾರಿಯುತ ಇನ್ನಿಂಗ್ಸ್ ಕಟ್ಟಬೇಕಿತ್ತು. ಕನಿಷ್ಠ ಪಕ್ಷ ಎದುರಾರಾಳಿಗೆ ಪ್ರತಿರೋಧವನ್ನಾದರು ಒಡ್ಡಬೇಕಿತ್ತು. ಅನುಭವಿ ಆಟಗಾರ ಇದ್ಯಾವುದು ಮಾಡಲೇ ಇಲ್ಲ. ಪರಿಣಾಮವೇ 2ನೇ ಇನ್ನಿಂಗ್ಸ್ ಉತ್ತಮ ಸ್ಥಿತಿಯಲ್ಲಿದ್ದ ಟೀಮ್ ಇಂಡಿಯಾ, ದಿಡೀರ್ ಕುಸಿತವಾಯ್ತು. ಸೋಲಿಗೆ ಸಿಲುಕಬೇಕಾಯ್ತು.
ಇದನ್ನು ಓದಿ: ವೀರೇಂದ್ರ ಸೆಹ್ವಾಗ್‌ಗೆ ಈ ನಟಿ ಎಂದರೆ ಪ್ರಾಣ!
ಟಫ್ ಟೈಮ್ನಲ್ಲಿ ರಾಹುಲ್ ಬಿಟ್ಟು ಎಲ್ಲರೂ ಆಡ್ತಾರೆ
ಕೆ.ಎಲ್.ರಾಹುಲ್ ವಿರುದ್ಧ ರೊಚ್ಚಿಗೆದ್ದಿರುವ ಅಭಿಮಾನಿಗಳು, ಟಫ್ ಟೈಮ್ನಲ್ಲಿ ಟೀಮ್ ಇಂಡಿಯಾದ ಎಲ್ಲ ಆಟಗಾರರು ಆಡ್ತಾರೆ. ಅದು ಕೆ.ಎಲ್.ರಾಹುಲ್ ಒಬ್ಬರು ಬಿಟ್ಟು ಎನ್ನುವ ಮಾತಿದೆ. ಹೀಗಾಗಿ ನಿರಂತರವಾಗಿ ಹಿನ್ನಡೆ ಅನುಭವಿಸುತ್ತಿರುವ ರಾಹುಲ್ರನ್ನು ತಂಡದಿಂದ ಕೈಬಿಟ್ಟರೂ ಅಚ್ಚರಿ ಇಲ್ಲ.
ಪಿಚ್ಗೆ ರಾಹುಲ್ ಗೌರವ.. ಇದೇ ಲಾಸ್ಟ್ ಮ್ಯಾಚ್?
ಪಂದ್ಯದ ಸೋಲಿನ ಬಳಿಕ ಆಟಗಾರರು ವಿಶ್ ಮಾಡ್ತಿದ್ರು. ಈ ವೇಳೆ ಕೆ.ಎಲ್.ರಾಹುಲ್ ಪಿಚ್ಗೆ ನಮಸ್ಕರಿಸಿದರು. ವೈರಲ್ ಆಗಿರುವ ಈ ವಿಡಿಯೋ ಹಲವು ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. ಕೆ.ಎಲ್.ರಾಹುಲ್ರದ್ದು ಇದೇ ಕೊನೆಯ ಪಂದ್ಯವಾ ಎಂಬ ಪ್ರಶ್ನೆ ಮೂಡಿದೆ.
ರಾಹುಲ್ಗೆ ‘ರಾಹುಕಾಲ’
ಒಂದ್ಕಡೆ ಸರ್ಫರಾಜ್ ಶತಕ ಸಿಡಿಸಿ ಮಿಂಚಿದ್ದಾರೆ. ಮತ್ತೊಂದೆಡೆ ಸಾಲಿಡ್ ಫಾರ್ಮ್ನಲ್ಲಿರುವ ಶುಭ್ಮನ್ ಮತ್ತೆ ಅಭ್ಯಾಸದ ಅಖಾಡಕ್ಕೆ ಇಳಿದಿದ್ದಾರೆ. ಇದು ಸಹಜವಾಗಿಯೇ ವೈಫಲ್ಯ ಅನುಭವಿಸ್ತಿರಯವ ಕೆ.ಎಲ್.ರಾಹುಲ್ ಸ್ಥಾನಕ್ಕೆ ಕುತ್ತು ತಂದಿದೆ. ಮುಂದಿನ ಪಂದ್ಯದಲ್ಲಿ ಕೆ.ಎಲ್.ರಾಹುಲ್ ಇರಬೇಕಾ..? ಬೇಡ್ವಾ ಅನ್ನೋ ಪ್ರಶ್ನೆಗೂ ನಾಂದಿಯಾಡಿದೆ.
ಇದನ್ನು ಓದಿ: ಈ ಬ್ಯಾಟ್ಸ್‌ಮನ್‌ ಔಟ್ ಆಗುವಾಗ ಬೌಲರ್‌ಗಳು ಬೆವರು ಹರಿಸಿದ್ದರು!
ಶುಭ್ಮನ್ ಗಿಲ್ ಆ್ಯಂಡ್ ಸರ್ಫರಾಜ್ ಆಟ ಪರೋಕ್ಷ ರಾಹುಲ್ಗೆ ಚಿಂತೆಗೆ ದೂಡಿದೆ. ಅಷ್ಟೇ ಅಲ್ಲ. ತಾನೇ ತೋಡಿದ ಹಳಕ್ಕೆ ಕೆ.ಎಲ್.ರಾಹುಲ್ ಬೀಳುವ ದುಸ್ಥಿತಿಗೆ ಸಿಲುಕಿದ್ದಾರೆ. ಹೀಗಾಗಿ ರಾಹುಲ್ಗೆ ಸಂಚಕಾರ ಶುರುವಾಗಿದ್ದು, ಈಗಲಾದರು ಎಚ್ಚೆತ್ತುಕೊಳ್ಳದಿದ್ದರೆ ಗೇಟ್ಪಾಸ್ ಫಿಕ್ಸ್.
