ದಿನ ಕಳೆದಂತೆ ಬಿಗ್ ಬಾಸ್ ಮನೆಯಲ್ಲಿ ಆಟ ರಂಗೇರಿದೆ. ಒಬ್ಬರ ಬಗ್ಗೆ ಒಬ್ಬರು ಮಾತಾಡೋದು ಕೂಡ ಹೆಚ್ಚಿದೆ. ಪ್ರೀತಿ-ಪ್ರೇಮದ ಚರ್ಚೆ ಕೂಡ ಜೋರಾಗಿದೆ. ಇದರ ನಡುವೆಯೇ ತ್ರಿವಿಕ್ರಮ್ ಹಾಗೂ ರಂಜಿತ್ ಹೊಸ ಗಾಸಿಪ್ ಹಬ್ಬಿಸಿದ್ದಾರೆ. ಮಗ ಶಿಶಿರನ ನೋಡೋ ಅನುಷಾ ಹೆಗಲ ಮೇಲೆ ಮಲಗಿದ್ದಾನೆ.
ಹೌದು ಕಣೋ ಎಂದ ರಂಜಿತ್ ರಾತ್ರಿ ಅವಳು ಮಲ್ಕೊತ್ತಾಳೆ ಎದೆಯ ಮೇಲೆ ಅದು..ಇದು ಅಂತ ಪೋಲಿ ಕಮೆಂಟ್ ಮಾಡಿದ್ದಾರೆ. ಈ ವಿಡಿಯೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ವಿಡಿಯೋ ಶೇರ್ ಮಾಡಿದ್ದು, ಸಿಕ್ಕಾಪಟ್ಟೆ ವೈರಲ್ ಆಗ್ತಿದೆ. ಶೇರ್ ಮಾಡಿದ ಕಲರ್ಸ್, 90s ಸಿಂಗಲ್ ಕಿಡ್ಸ್ ಚರ್ಚೆ, 2K ಕಮೀಟೆಡ್ ಕಿಡ್ಸ್ ಎಂದು ಟೈಟಲ್ ಕೊಟ್ಟ ಕಾಮಿಡಿಯಾಗಿ ವಿಡಿಯೋ ಎಡಿಟ್ ಮಾಡಿದ್ದಾರೆ. ಹೀಗೆ ಹೊಟ್ಟೆ ಉರಿದುಕೊಳ್ಳೋ ನಿಮ್ಮ ಫ್ರೆಂಡ್ನ ಟ್ಯಾಗ್ ಮಾಡಿ ಅಂತ ಟೈಟಲ್ ಕೊಟ್ಟು ವಿಡಿಯೋ ಪೋಸ್ಟ್ ಮಾಡಿದ್ದಾರೆ. ದೊಡ್ಮನೆಯಲ್ಲಿ ತ್ರಿಕೋನ ಪ್ರೇಮಕಥೆ ಶುರುವಾದಂತೆ ಕಾಣ್ತಿದೆ. ಆದ್ರೆ ಅಧಿಕೃತವಾಗಿ ಇದನ್ನ ಇಡೀ ಮನೆಯಲ್ಲಿ ಎಲ್ಲೂ ಹೇಳಿಕೊಂಡಿಲ್ಲ. ಆದರೆ, ಹಾವ-ಭಾವಗಳಿಂದಲೇ ಇದನ್ನ ತಿಳಿಯಬಹುದು. ಅದಕ್ಕೇನೆ ಮನೆ ಮಂದಿ ಇದನ್ನ ನೋಡಿ ಎಂಜಾಯ್ ಮಾಡುತ್ತಿದ್ದಾರೆ. ಅಷ್ಟೇ ಪ್ರೀತಿಯಿಂದಲೇ ಕಾಲು ಕೂಡ ಎಳೆಯುತ್ತಿದ್ದಾರೆ.
ಧರ್ಮ್ ಮತ್ತು ಅನುಷ ಕ್ಲೋಸ್ ಆದ್ರೆ, ಐಶು ಮುಖ ಸಣ್ಣ ಆಗುತ್ತದೆ. ಈ ಒಂದು ಕಿಚ್ಚನ ಪ್ರಶ್ನೆಗೆ ಮನೆಮಂದಿ YES ಅಂತಲೇ ಹೇಳಿದ್ದಾರೆ. ಆದರೆ, ಧರ್ಮ NO ಅನ್ನುವ ಬೋರ್ಡ್ ಹಿಡಿದಿದ್ದಾರೆ. ಇದೇ ನೋ ಅನ್ನುವ ಅರ್ಥದಲ್ಲಿ ಐಶ್ವರ್ಯ ಕೂಡ ರಿಯಾಕ್ಟ್ ಮಾಡಿದ್ದಾರೆ. “ನನಗೆ ಆ ರೀತಿಯ ಭಾವನೆ ಏನೂ ಇಲ್ಲ. ನಾನು ಧರ್ಮ ಮಾತನಾಡಿದ್ರೆ, ಅನುಷಾ ಮುಖ ಸಣ್ಣ ಆಗುತ್ತದೆ” ಅಂತಲೇ ಐಶ್ವರ್ಯ ದೂರಿದ್ದಾರೆ. ಇದನ್ನ ಕೇಳಿದ ಅನುಷಾ ಮಂದಹಾಸ ಬೀರಿದ್ದಾರೆ. ಗೋಲ್ಡ್ ಸುರೇಶ್ ಸುಮ್ನೆ ಕುಳಿತಿಲ್ಲ. ಇವರ ನಡುವೆ ಒಂದು ಹಳೆ ಲವ್ ಸ್ಟೋರಿ ಇದೆ ಅಂತ ಬಾಂಬ್ ಹಾಕಿದ್ದಾರೆ. ಇದರಿಂದ ಐಶ್ವರ್ಯ ಹಣೆ ಚೆಚ್ಚಿಕೊಂಡಿದ್ದಾರೆ. ಧರ್ಮ ಟೆನ್ಷನ್ ಆಗಿದ್ದಾರೆ. ಅನುಷಾ ನಕ್ಕಿದ್ದಾರೆ.
ಸ್ಪರ್ಧಿಗಳು ಮಾಡೋ ತಪ್ಪಿನ ಬಗ್ಗೆ ಕಿಚ್ಚ ನಡೆಸೋ ಪಂಚಾಯಿತಿ ನೋಡಲು ಬಿಗ್ ಬಾಸ್ ಪ್ರೇಕ್ಷಕರು ಶನಿವಾರ-ಭಾನುವಾರಕ್ಕಾಗಿ ಕಾಯ್ತಿರುತ್ತಾರೆ. ಸೂಪರ್ ಸಂಡೇ ವಿತ್ ಸುದೀಪ್ ಶೋನಲ್ಲಿ ಸ್ಪರ್ಧಿಗಳು ಮನಸ್ಸಿನ ಮಾತುಗಳನ್ನು ಬಿಚ್ಚಿಟ್ಟಿದ್ದಾರೆ. ಒಬ್ಬರ ಬಗ್ಗೆ ಮತ್ತೊಬ್ಬರಿಗೆ ಇರುವ ಅಭಿಪ್ರಾಯಗಳು ಬಾಂಬ್ ರೀತಿ ಸ್ಫೋಟಗೊಂಡಿದೆ. ಕ್ಯಾಪ್ಟನ್ ಶಿಶಿರ್, ಧನರಾಜ್ ಗೆ ಗೆಸ್ಟ್ ಎಂಬ ಬೋರ್ಡ್ ಕೊಟ್ಟಿದ್ದಾರೆ. ಧನರಾಜ್ ಅವರಿಗೆ ಮನೆಯಲ್ಲಿ ತಮ್ಮ ಸ್ಥಾನ ಏನು ಅನ್ನೋ ಕ್ಲಾರಿಟಿ ಇಲ್ಲ ಎಂದು ಹೇಳಿದ್ರು. ಮೋಕ್ಷಿತಾ ಪೈ, ಗೋಲ್ಡ್ ಸುರೇಶ್ಗೆ ಗೆಸ್ಟ್ ಎಂಬ ಬೋರ್ಡ್ ಕೊಟ್ಟು, ಆಟಕ್ಕುಂಟು, ಲೆಕ್ಕಕ್ಕಿಲ್ಲ ಎನ್ನುವಂತೆ ಇದ್ದಾರೆ ಎಂದು ಹೇಳಿದ್ರು. ಉಗ್ರಂ ಮಂಜು ಅವರು ಅನುಷಾ ರೈ ಅವರನ್ನು ಟಾರ್ಗೆಟ್ ಮಾಡಿದ್ದಾರೆ. ಬಿಗ್ ಬಾಸ್ ಮನೆಯಲ್ಲಿರುವ ಎಲ್ಲರಿಗಿಂತ ಅವರು ಸ್ವಲ್ಪ ವೀಕ್ ಅಂತ ಮಂಜು ಹೇಳಿದ್ದಾರೆ. ಈ ಮಾತು ಕೇಳಿ ಅನುಷಾ ವ್ಯಂಗ್ಯವಾಗಿ ಸ್ಮೈಲ್ ಕೊಟ್ಟಿದ್ದಾರೆ.
ಅನುಷಾ ರೈ, ಚೈತ್ರಾ ಕುಂದಾಪುರ ಬಗ್ಗೆ ಮಾತಾಡಿದ್ದಾರೆ. ಚೈತ್ರಾ ಆಡೋ ಮಾತುಗಳಲ್ಲಿ ಅವರಿಗೆ ಸ್ಟ್ಯಾಂಡ್ ಇಲ್ಲ. ಅವರು ಏನ್ ಮಾಡ್ತಾರೆ ಅನ್ನೋದು ಅವರಿಗೆ ಗೊತ್ತಿಲ್ಲ. ಎಂದಿದ್ದಾರೆ. ಬಳಿಕ ಮಾತಾಡಿದ ಜಗದೀಶ್, ತ್ರಿವಿಕ್ರಮ್ ಹಾಗೂ ರಂಜಿತ್ ಅವರನ್ನು ಟಾರ್ಗೆಟ್ ಮಾಡಿದ್ರು. ತ್ರಿವಿಕ್ರಮ್ ಹಾಗೂ ರಂಜಿತ್ ಬಗ್ಗೆ ಮಾತಾಡಿದ ಜಗದೀಶ್, ನಾವು ಬಾಡಿ ಬಿಲ್ಡರ್ಸ್ ನಾನು ಗೆಲ್ತಿವಿ ಎನ್ನುವ ನಂಬಿಕೆ ಅವರಿಗಿದೆ. ಆದ್ರೆ ಇದು ಗೇಮ್ ಇಲ್ಲಿ ಅದೆಲ್ಲಾ ನಡೆಯೋದಿಲ್ಲ. ಅವರಿಬ್ಬರೂ ಕೊನೆವರೆಗೂ ಇರ್ತಾರೆ ಅನ್ನೋ ನಂಬಿಕೆ ಕೂಡ ನನಗೆ ಇಲ್ಲ ಎಂದು ಜಗದೀಶ್ ಹೇಳಿದ್ರು. ಜಗ್ಗುದಾದಾ ಮಾತು ಕೇಳಿ ತ್ರಿವಿಕ್ರಮ್ ಹಾಗೂ ರಂಜಿತ್ ವ್ಯಂಗ್ಯವಾಗಿ ನಕ್ಕರು. ಜೊತೆ ಜಗದೀಶ್ ಮಾತು ಕೇಳಿ ಕಿಚ್ಚ ಕೂಡ ನಕ್ಕಿದ್ದಾರೆ.
