ಶಿವಣ್ಣ ಹೋಮ್ ಪ್ರೊಡಕ್ಷನ್ ಗೀತಾ ಪಿಕ್ಚರ್ಸ್ ಬ್ಯಾನರ್ ನಡಿ 3ನೇ ಸಿನಿಮಾ ಅನೌನ್ಸ್ ಆಗಿದೆ. ವೇದ, ಭೈರತಿ ರಣಗಲ್ ಸಿನಿಮಾಗಳ ಬಳಿಕ ಮೂರನೇ ಸಿನಿಮಾ ಇದಾಗಿದೆ. ಈ ಸಿನಿಮಾ ಗೀತಾ ಶಿವರಾಜ್ ಕುಮಾರ್ ನಿರ್ಮಾಣ ಮಾಡುತ್ತಿದ್ದು, ಮಕ್ಕಳ ದಿನಾಚರಣೆಯ ವಿಶೇಷವಾಗಿ ಈ ಸಿನಿಮಾ ಟೈಟಲ್ ನ ಇಂದು ಲಾಂಚ್ ಮಾಡಲಾಗಿದೆ. ಈ ಸಿನಿಮಾಗೆ ‘A for ಆನಂದ್’ ಅನ್ನೋ ಟೈಟಲ್ ಅನೌನ್ಸ್ ಆಗಿದ್ದು, ಈ ಹಿಂದೆ ಶಿವಣ್ಣನಿಗೆ ಘೋಸ್ಟ್ ಸಿನಿಮಾ‌ವನ್ನು ಡೈರೆಕ್ಟ್ ಮಾಡಿದ್ದ ಶ್ರೀನಿ ನಿರ್ದೇಶನ ಮಾಡಲಿದ್ದಾರೆ. ಗೀತಾ ಪಿಕ್ಚರ್ಸ್ ಬ್ಯಾನರ್ ನಡಿ ಬರುತ್ತಿರುವ ‘A for ಆನಂದ್’ ಎಂಬ ಸಿನಿಮಾ, ಮೈಸೂರಿನ ಅವರ ಶಕ್ತಿಧಾಮದ ಮಕ್ಕಳು ಹಾಗೂ ಶಿವಣ್ಣನ ಬಾಂಡಿಂಗ್ ಕುರಿತ ಸಿನಿಮಾ ಆಗಿರಲಿದೆ.
ಇದನ್ನು ಓದಿ:ತಲೈವಾ ನಂತರ ದಳಪತಿ ಚಿತ್ರದಲ್ಲೂ ಶಿವಣ್ಣ : ವಿಜಯ್ ಕೊನೆ ಚಿತ್ರದಲ್ಲಿಸೆಂಚುರಿ ಸ್ಟಾರ್..!
“ಕರ್ನಾಟಕದ ಹೃದಯ ಭಾಗದಲ್ಲಿ, ಹದಿನಾಲ್ಕು ಹಳ್ಳಿಗಳ ಕನಸುಗಳು ಒಂದೇ ಶಾಲೆಯಲ್ಲಿ ಚಿಗುರುತ್ತವೆ. ಇಲ್ಲಿ ಅಕ್ಷರದ ಅರುಣೋದಯ ‘A for Apple’ನಿಂದ ಆರಂಭವಾಗುವುದಿಲ್ಲ, ಬದಲಿಗೆ ಬೆಳಕಿನ ಬೀಜ ಬಿತ್ತಿದ ಗುರುವಿನ ಹೆಸರಿನಿಂದ ಮೊಳೆಯುತ್ತದೆ. ʻಅದೇ A for ಆನಂದ್ʼ ✨ ಎಂದು ಡಾ. ಶಿವರಾಜ್‌ಕುಮಾರ್‌ ಅವರು ತಮ್ಮ ಫೇಸ್‌ಬುಕ್‌ ಖಾತೆಯಲ್ಲಿ ‘A for ಆನಂದ್’ ಸಿನಿಮಾ ಬಗ್ಗೆ ಬರೆದುಕೊಂಡಿದ್ದಾರೆ.
