ಕನ್ನಡದ ಅತಿ ದೊಡ್ಡ ರಿಯಾಲಿಟಿ ಶೋ ಎಂದರೆ ಅದು ಬಿಗ್ಬಾಸ್ ಮಾತ್ರ. ಸುಮಾರು 3 ತಿಂಗಳುಗಳ ಕಾಲ ಈ ಶೋ ನಡೆಯುತ್ತದೆ. ಬಿಗ್ಬಾಸ್ ಸೀಸನ್ 1 ರಿಂದ 10ರವರೆಗೂ ಕಿಚ್ಚ ಸುದೀಪ್ ಅವರೇ ಈ ಶೋ ನಡೆಸಿಕೊಡುತ್ತಿದ್ದರು. ಕಳೆದ 11 ಸೀಸನ್ಗಳಿಂದ ‘ಬಿಗ್ ಬಾಸ್ ಕನ್ನಡ’ ಕಾರ್ಯಕ್ರಮಕ್ಕೆ ಕಿಚ್ಚ ಸುದೀಪ್ ಹೋಸ್ಟ್ ಆಗಿದ್ದಾರೆ. 10 ಟಿವಿ ಸೀಸನ್, 1 ಓಟಿಟಿ ಸೀಸನ್, 1 ಮಿನಿ ಸೀಸನ್ನ ಯಶಸ್ವಿಯಾಗಿ ನಡೆಸಿಕೊಟ್ಟಿದ್ದಾರೆ. 11ನೇ ಸೀಸನ್ಗೂ ಹೋಸ್ಟ್ ಆಗಿದ್ದಾರೆ. ಇದೇ ತಾವು ಹೋಸ್ಟ್ ಆಗಿ ನಡೆಸಿಕೊಡುವ ಕಟ್ಟ ಕಡೆಯ ಸೀಸನ್ ಅಂತ ಕಿಚ್ಚ ಸುದೀಪ್ ಅಧಿಕೃತವಾಗಿ ಘೋಷಿಸಿಬಿಟ್ಟಿದ್ದಾರೆ. ಇಷ್ಟೂ ಸೀಸನ್ಗಳಲ್ಲಿ ಕಿಚ್ಚ ಸುದೀಪ್ ಅವರ Not so Favorite ಸೀಸನ್ ಯಾವುದು ಗೊತ್ತಾ?
ಈ ಬಾರಿಯ ಬಿಗ್ಬಾಸ್ ಸೀಸನ್ 11ರನ್ನು ಕೂಡ ಕಿಚ್ಚ ಸುದೀಪ್ ಅವರೇ ನಡೆಸಿಕೊಡುತ್ತಿದೆ. ಆದರೆ ಪ್ರತಿ ಸೀಸನ್ ಅನ್ನು ಕಿಚ್ಚ ಸುದೀಪ್ ಅವರು ಅತಿ ಸೂಕ್ಷ್ಮವಾಗಿ ಗಮನಿಸುತ್ತಾ ಇರುತ್ತಾರೆ. ಅಲ್ಲದೇ ಸ್ಪರ್ಧಿಗಳು ಮಾಡುವ ಒಂದೊಂದು ತಪ್ಪುಗಳನ್ನು ತಿದ್ದಿ ಹೇಳುತ್ತಾರೆ. ಇಲ್ಲವಾದರೇ ಅವರಿಗೆ ಅರ್ಥವಾಗುವ ರೀತಿಯಲ್ಲಿ ಹೇಳುತ್ತಾರೆ.
‘ಬಿಗ್ ಬಾಸ್ ಕನ್ನಡ 11’ ಕಾರ್ಯಕ್ರಮದ 3ನೇ ‘ವಾರದ ಕಥೆ ಕಿಚ್ಚನ ಜೊತೆ’ ಸಂಚಿಕೆಯಲ್ಲಿ ತಮ್ಮ ನಾಟ್ ಸೋ ಫೇವರಿಟ್ ಸೀಸನ್ ಬಗ್ಗೆ ಕಿಚ್ಚ ಸುದೀಪ್ ರಿವೀಲ್ ಮಾಡಿದ್ದಾರೆ. ಇಲ್ಲಿಯವರೆಗೂ ಸೀಸನ್ 6 ಕಿಚ್ಚ ಸುದೀಪ್ ಅವರಿಗೆ ನಾಟ್ ಸೋ ಫೇವರಿಟ್ ಆಗಿತ್ತು. ಆದರೆ ಈಗ ಮತ್ತೆ ಯಾರಾದರೂ ಕೇಳಿದ್ರೇ ಸೀಸನ್ 11 ಅಂತ ಹೇಳಿ ಬಿಡ್ತೀನಿ ಅಂದು ಎಲ್ಲ ಸ್ಪರ್ಧಿಗಳ ಮುಂದೆ ಹೇಳಿದ್ದಾರೆ.
