ಪ್ರಧಾನಿ ನರೇಂದ್ರ ಮೋದಿಯವರು ದೇಶದ ಖ್ಯಾತ ಗೇಮರ್‌ಗಳ ಜೊತೆ ಈ- ಸ್ಫೋರ್ಟ್‌ ಬಗ್ಗೆ ಚರ್ಚೆ ನಡೆಸಿದ್ದಾರೆ. ಬಳಿಕ ಗೇಮರ್‌ಗಳೊಂದಿಗೆ ಮೋದಿ ಗೇಮ್‌ ಆಡಿದರು. ವಿಡಿಯೋದಲ್ಲಿ ಅವರು ಕಣ್ಣಿಗೆ ಹೊಲೊಡೆಕ್‌ ಧರಿಸಿ ಸ್ಕ್ರೀನ್‌ ಮುಂದೆ ಜಾಯ್‌ ಸ್ಟಿಕ್‌ ಹಿಡಿದು ನಿಲ್ಲುವುದನ್ನು ವಿಡಿಯೋದಲ್ಲಿ ನೋಡಬಹುದು.
ಗೇಮರ್‌ಗಳು ಪ್ರಧಾನಿಯವರ ಕ್ಯಾರೆಕ್ಟರ್‌ಗೆ ನಮೋ ಅಂತಾನೇ ಹೆಸರು ನೀಡಿದ್ದಾರೆ. ಮೋದಿಯವರು ಆಡುವಾಗ ಚಿಕ್ಕಹುಡುಗನ ರೀತಿ ಉತ್ಸಾಹದಿಂದಿದ್ದರು. ಈ ಕ್ಷೇತ್ರದಲ್ಲಿ ನೀವೆಲ್ಲಾ ಪ್ರಾವೀಣ್ಯತೆ ಸಾಧಿಸಿ ವಿಶ್ವದಲ್ಲಿ ಹೆಸರುವಾಸಿಯಾಗಬೇಕು ಮತ್ತು ಗೇಮಿಂಗ್‌ ನಲ್ಲೂ ದೇಶದ ಹೆಸರು ಉಜ್ವಲಗೊಳಿಸಬೇಕೆನ್ನುವುದು ತಮ್ಮ ಮಹದಾಸೆಯಾಗಿದೆ ಎಂದು ಗೇಮರ್‌ಗಳಿಗೆ ಪ್ರಧಾನಿ ಮೋದಿ ಹೇಳಿದರು.
