ಹೈವೋಲ್ಟೇಜ್ ಪಂದ್ಯ ವಾಂಖೆಡೆ ಸ್ಟೇಡಿಯಂನಲ್ಲಿ ಮುಂಬೈ ಇಂಡಿಯನ್ಸ್ ವಿರುದ್ಧ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹೀನಾಯ ಸೋಲು ಕಂಡಿದೆ. ಇನ್ನು ಈ ಸೋಲಿಗೆ ಏನು ಕಾರಣ ಅಂತಾ ಆರ್ಸಿಬಿ ತಂಡದ ನಾಯಕ ಫಾಫ್ ಡುಪ್ಲೆಸಿಸ್ ಬಿಚ್ಚಿಟ್ಟಿದ್ದಾರೆ. ಸದ್ಯ ಪಾಯಿಂಟ್ಸ್ ಟೇಬಲ್ನಲ್ಲಿ 9ನೇ ಸ್ಥಾನದಲ್ಲಿರುವ ಆರ್ಸಿಬಿಗೆ ಪ್ಲೇ ಆಫ್ ಹಾದಿ ಮಸುಕ್ಕಾಗಿದೆ. ಕ್ಯಾಪ್ಟನ್ ಫಾಫ್ ಡುಪ್ಲೆಸಿಸ್ ಸೋಲಿನ ಆಸಲಿ ಕಾರಣದ ಬಗ್ಗೆ ಬೇಸರ ಹೊರಹಾಕಿದ್ದು, ಎದುರಾಳಿಗಳಿಗೆ ಚಾಲೆಂಜ್ ಮಾಡೋ ಬೌಲಿಂಗ್ ಪಡೆ ನಮ್ಮಲಿಲ್ಲ ಎಂದು ಒಪ್ಪಿಕೊಂಡಿದ್ದಾರೆ.
ನಾವು ಬೌಲಿಂಗ್ ಅನ್ನು ನಂಬಿಕೊಂಡು ಕೂತ್ರೆ..ಇನ್ನು ಈ ಸಲ ಕಪ್ ನಮ್ಮದೇ ಎನ್ನುವ ಕನಸು ಕನಸಾಗಿಯೇ ಉಳಿಯಲಿದೆ ಅನ್ನೋದನ್ನ ಅವರೇ ಹೇಳಿದ್ದಾರೆ. ಹೀಗಾಗಿ ಇದಕ್ಕೆ ಪರ್ಯಾಯವಾಗಿ ಬ್ಯಾಟಿಂಗ್ ದೃಷ್ಟಿಕೋನದಿಂದ ನಾವು 250ಕ್ಕಿಂತಲೂ ಹೆಚ್ಚು ರನ್ ಕಲೆ ಹಾಕಬೇಕಾಗಿದೆ. ನಮ್ಮ ಬೌಲಿಂಗ್ ನಲ್ಲಿ, ಯಾವುದೇ ಹೇಳಿಕೊಳ್ಳುವ ದಾಳಿ ಆಗುತ್ತಿಲ್ಲ.ಆದ್ದರಿಂದ ನಾವು ಬ್ಯಾಟಿಂಗ್ ಮೇಲೆ ಹೆಚ್ಚಿನ ಕೊಡಬೇಕು ಎಂದು ಫಾಫ್ ಅಭಿಪ್ರಾಯಪಟ್ಟಿದ್ದಾರೆ.
