ಇತ್ತೀಚೆಗೆ ಅನೇಕ ಹೀರೋಯಿನ್ಗಳು ತಾಯಿ ಆಗಿದ್ದಾರೆ. ಮಿಲನಾ ನಾಗರಾಜ್, ಕವಿತಾ ಗೌಡ ಸೇರಿ ಅನೇಕರು ಮಗುವಿಗೆ ಜನ್ಮ ನೀಡಿದ್ದಾರೆ. ಈಗ ಕಿರುತೆರೆಯ ಖ್ಯಾತ ನಟಿಯೊಬ್ಬರು ಮಗಳ ಫೋಟೋ ಹಂಚಿಕೊಂಡಿದ್ದಾರೆ.
ಅಕ್ಟೋಬರ್ 29 ರಂದು ಹೆಣ್ಣು ಮಗುವಿಗೆ ‘ಲಕ್ಷ್ಮೀ ಬಾರಮ್ಮ’ ನಟಿ ನೇಹಾ ಗೌಡ ಜನ್ಮ ನೀಡಿದ್ದರು. ಮೊದಲ ಮಗುವನ್ನು ಬರಮಾಡಿಕೊಂಡ ಖುಷಿಯಲ್ಲಿರುವ ನೇಹಾ – ಚಂದನ್ ದಂಪತಿ, ತಮ್ಮ ಸಂತಸವನ್ನ ಅಭಿಮಾನಿಗಳೊಂದಿಗೆ ಸೋಷಿಯಲ್ ಮೀಡಿಯಾ ಮೂಲಕ ಮಗಳ ಮೊದಲ ಫೋಟೋವನ್ನ ಹಂಚಿಕೊಂಡು ಗಮನ ಸೆಳೆದಿದ್ದಾರೆ. ಈ ಫೋಟೋ ಸಖತ್‌ ವೈರಲ್ ಆಗಿದೆ.
2018ರಲ್ಲಿ ಚಂದನ್ ಗೌಡ – ನೇಹಾ ಗೌಡ ದಾಂಪತ್ಯ ಜೀವನಕ್ಕೆ ಕಾಲಿರಿಸಿದರು. ಮದುವೆಯಾದ 6 ವರ್ಷಗಳ ಬಳಿಕ ನೇಹಾ ಗೌಡ ಗರ್ಭಿಣಿಯಾದರು. ಇದೀಗ ಮುದ್ದಾದ ಹೆಣ್ಣು ಮಗುವನ್ನ ನೇಹಾ ಗೌಡ – ಚಂದನ್ ಗೌಡ ದಂಪತಿ ಪಡೆದಿದ್ದಾರೆ. ಅಂದ್ಹಾಗೆ, ನೇಹಾ ಗೌಡ – ಚಂದನ್ ಗೌಡ ಅವರದ್ದು ಲವ್‌ ಕಮ್ ಅರೇಂಜ್ಡ್ ಮ್ಯಾರೇಜ್. ಬಾಲ್ಯದಲ್ಲಿರುವಾಗಲೇ ನೇಹಾ ಗೌಡ – ಚಂದನ್ ಗೌಡ ಮಧ್ಯೆ ಆತ್ಮೀಯತೆ ಇತ್ತು. ಒಳ್ಳೆಯ ಸ್ನೇಹಿತರಾಗಿದ್ದ ಇವರಿಬ್ಬರ ಮಧ್ಯೆ ಪ್ರೀತಿ ಚಿಗುರಿತು. ಕುಟುಂಬಸ್ಥರ ಒಪ್ಪಿಗೆ ಪಡೆದು ನೇಹಾ ಗೌಡ – ಚಂದನ್ ಗೌಡ ವಿವಾಹ ಬಂಧನಕ್ಕೆ ಒಳಗಾದರು.
ಇದನ್ನು ಓದಿ: ದೈವದ ಕೃಪೆಯಿಂದ ಚೈತ್ರಾಳ ಉಂಗುರ ಪತ್ತೆ!
ನೇಹಾ ಅವರು ಕಿರುತೆರೆಯಲ್ಲಿ ಸಾಕಷ್ಟು ಜನಪ್ರಿಯತೆ ಪಡೆದವರು. ‘ಲಕ್ಷ್ಮೀ ಬಾರಮ್ಮ’ ಧಾರಾವಾಹಿಯಲ್ಲಿ ಅವರು ನಟಿಸಿದ್ದರು. ಈ ಧಾರಾವಾಹಿ ಮೂಲಕ ಅವರು ಸಾಕಷ್ಟು ಫೇಮಸ್ ಆದರು. ಬಳಿಕ ‘ಬಿಗ್ ಬಾಸ್ ಕನ್ನಡ 9’ ಕಾರ್ಯಕ್ರಮದಲ್ಲಿ ನೇಹಾ ಗೌಡ ಸ್ಪರ್ಧಿಸಿದ್ದರು ಈಗ ನೇಹಾ ಅವರು ಮಗಳ ಆರೈಕೆಗೆ ಹೆಚ್ಚಿನ ಸಮಯ ನೀಡಲಿದ್ದಾರೆ. ಹೀಗಾಗಿ ಅವರು ಯಾವುದೇ ಹೊಸ ಪ್ರಾಜೆಕ್ಟ್ ಒಪ್ಪಿಕೊಂಡಿಲ್ಲ. ಮುಂದಿನ ದಿನಗಳಲ್ಲಿ ಮಗಳ ಮತ್ತಷ್ಟು ಫೋಟೋಗಳನ್ನು ಹಂಚಿಕೊಳ್ಳಲಿ ಎಂದು ಅಭಿಮಾನಿಗಳು ಕಾದಿದ್ದಾರೆ.
