Kichcha Sudeepa : “ಯುವ” ಸಿನಿಮಾ ನೋಡಿ ಕಿಚ್ಚ ಫುಲ್‌ ಫಿದಾ..!

ಯುವ ನಟನೆಯ ಚೊಚ್ಚಲ ಸಿನಿಮಾವನ್ನು ಸ್ಯಾಂಡಲ್​ವುಡ್​ ನಟ ಕಿಚ್ಚ ಸುದೀಪ್​ ಕೊಂಡಾಡಿದ್ದಾರೆ. ಈ ಸಿನಿಮಾವನ್ನು ನೋಡಿದ ಕಿಚ್ಚ ಸುದೀಪ್​ ಅವರು ಎಕ್ಸ್‌ನಲ್ಲಿ ಪೋಸ್ಟ್‌ ಮಾಡಿ ಯುವರಾಜ್​ಕುಮಾರ್​ ನಟನೆಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಜೊತೆಗೆ ನಟ ಕಿಚ್ಚ ಸುದೀಪ್ ಮನೆಗೆ ಯುವರಾಜ್ ಕುಮಾರ್ ಭೇಟಿ ನೀಡಿದ್ದಾರೆ. ಇದೇ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಗುತ್ತಿವೆ. ನಿಮ್ಮ ಸ್ಕ್ರೀನ್ ಪ್ರೆಸೆನ್ಸ್ ಇಷ್ಟವಾಯಿತು ಯುವರಾಜಕುಮಾರ್. ನಿಮ್ಮ ಡ್ಯಾನ್ಸ್​ ಅನುವಂಶಿಕವಾಗಿ ಬಂದಿವೆ ಅಂತ ಭಾವಿಸುತ್ತೇನೆ. ಯುವ ಎಲ್ಲಾ ಸಾಮರ್ಥ್ಯಗಳು ಮತ್ತು ನಿರೀಕ್ಷೆಗಳನ್ನು ಮೀರಿ ಈ ಸಿನಿಮಾವನ್ನು ರಚಿಸಲಾಗಿದೆ. ಚೆನ್ನಾಗಿ ಮಾಡಿದ್ದೀರಿ ಸಂತೋಷ್ ಆನಂದ್ ಎಂದು ಬರೆದುಕೊಂಡಿದ್ದಾರೆ.